Euskal Literatura III

3) Olerki berrizte (Zarautz, 1952). 1 1 1 orrialde. Berrogei
ta bi olerki guztira. Adiskide batzuk zirikatuta diosku, olerki
zarretatik berezitako mordoska bat antolatu zuen, 83 urte zeuzkala.
Ona berberak itzaurrean : «Alperkerizko lastai bigunean
etzinda ote negon edo zenbaitek ala uste izan arren, aldapa gogor
zalletik ibili naiz. Gauz bat bi bider esan besterik ezpalitz,
nekez ari bearrik ez nuen izango, errexean jardun eta nere arazoari
laister azken emango nion. Aundi da baña olakotan gerta
zaidana: garai batean idatzitako neurtizkiek argira jaso ta andik
urte batzuetara akatsez itxusituak ikusten ditut. Ori dala-ta beren
zimirrrik agerienak igurtzi, aldaketa bat edo beste egin, ustez
beintzat egoki xamar ezarri ta ona emen, liburu txiki ontan,
oraingo nere langintza».
Egin zitun, bai, orrazketak bere lanetan. Baiña txukunago
utzi ote zizkigun? Baliteke ezetz. Len-argitalpenean zeuden lez
obeki agertzen dira, bear bada. Askotan gerta oi: berezko lanak
apaiñagotzen ari oi gara, ta egin ziran uneko bereztasuna moztu
egiten diegu, zeuden baiño baldanago utzirik. Beraz, akats eta
guzti ere, berriz argitara nai ditugun lanak obe dakigu lenean
utzi, ezertariko orrazketa gabe. Azal ta muin, begoz erdi-unetxoan
ekarri zuten mardultasun sotillean. Artistaren lana, orraitio,
beti dugu eder, ta Arrese'k eskeiñi zigun olerki berrizte
oneri ere, lena berriro apaindu bearrak oker aundirik ekarri
zionik, ezin dezakegu aitortu.
Bertsotan idatzi zitun urrengo lanok ere.
TEATRU-GILLE.—1) Aiton baten eriotza (Euskalzale, 1898).
Bakarrizketa duzu^ bere adiskide Jose Artola'ri eskeiñia. Tolosa'n
osotu zuen 1898-1-4'an. Gizonki edesten ditu aitonaren azken-uneak.
Felipe Arrese otxandiotarraren Anjela gisa berean
egiña dago.
2) E. Mokoroa'ren Sentierák operak, 1900'garren urtean
Iruña'n lendabizi aurkeztu zana, E. Arrese'ren letrea darama.
Gero ere, Leidor tituluz argitaratu ta antzeztua (1936) izan zan.
iil