Euskal Literatura III

lan. 195 orrialde. 1931'an argitaratu zuten berriz ere. Arana-
Goiri'ri eskeintzen dio liburua, onela mintzaturik: «Ezpazindun
Goiko-Jaunak bidaldu, euzko erria gaizkatzeko, aberritik urrun
izango giñan gaur, gure ama zoragarri onen eriotziyan, parre ta
algara jariyo, ero batzuek lez.. . Zuregatik aberriaren magal
gozuan gaude gaur, bere umiak lez, ama bakarra maitatzeko;
ta euzko semiak bere eskubidiak eta bere aintzaren aldez biar
danari ekiteko». Pizkundia Euzko-Argitaldariak ager-azi zuen.
2) La Casa Solar vasca (Zarautz, 1932). 324 orrialde. Paul
deunak Timoteo'ri idatzi zizkion itzok artu zituen gai-burutzat:
«Beretarren eta batez ere etxekoen ardurarik ez dunak, siñisteari
uko egin dio, ta siñisgabekoa baño gaiztoagoa da» (Tim.,
V, 8). Zortzi ataletan ederki asko aztertzen ditu euskal etxeari
ta abizenari buruzko gorabera guztiak.
3) Ereintza (Zarautz, 1935). 351 orrialde.
«Euzkadi» egunerokoan atera zitun millaka asko artikulu.
«Kizkitza» izen-ordea erabilli oi zuen geien bat. Ederto zekin
euskeraz; libururik, ordea, etzuen euskeraz argitara eman, naizta
bai liburu-sarrerak, omenaldiak eta abar. Txasta ezazu Esku-
Egundiya-n datorren gure eleari buruzko apurño au, «Maite
degu» deritzana:
«Euzko-abendaren elia dalako, Euzkadi'ren elia dalako, maite
degu euzkera. Euzko-odola, Aberriyaren izakera, gure izakera,
arrotz-kutsu guztiyagandik zaindu dubelako; itxaso loitsubak-gandik,
gatz apur bat bezela, osorik, jator, abenda eder au,
euki dubelako, euzkera maite degu.
Euzko azkatasvma, gure lurrari berez zor zayona, erri guztiyen
artian, gure Euzkadi'ri zuzen, agurgarri, txalogarri azaltzen
laga diyon azkatasun ori, zaindu dubelako, maite degu euzkera.
Gure oitura bikain errugabiak, zaindu ditubelako, euzkera
maite degu. Sinismen katolikua, Euzkadi'ren sinismena, Aralar'ko
elurra bezin zuriya ta garbiya, Itzarraitz'ko arkaitzak bezin
sendua, Erniyo'ko baso loria bezin atseginkorra, Aitzkorri