Euskal Literatura III

zeukan gatza ta ozpiña ipuiak, bertso-lerro yaukalak eta igarkizun
politak eio ta biribiltzeko. Kirikiño'k eta Azkue'k pozik argitaratzen
zituzten aren lantxoak, «Ibaizabal»-en batez ere.
Gizonok geien batean aundi-zale gara: urlia onako jatorrikoa
da, sandia arakotik datorkiguna. Ala ere, arrokeriak baiño
igali obeak ez ote ditu ekartzen apaltasunak? Begira, beintzat:
idazle au, beste askotxo legez, seaska apalekoa dugula dirudi,
beronen idatziak irakurri ezkero. Ta orratik nolako bitxiz jazten
dizkigun! Gure literaturan oraiñarte aipatu ere ez da egin beronen
izenik, eta ala ere aínbatzu lan argitara zituen bere garaiko
aldizkarietan. Usai gozoa izan oi du, bai, oroldi arteko
bioltxoak ere.
EUSKAL LANA.—^Donostia'ko «Euskal-Erria»-n asi zan idazten;
1895'an agertzen da bere lenengo lana: On Antonio Okendxd,
olerkia. Gero, beste 17 lan, olerki, ipui, izldrimiri, goraltza
ta abar.
Azkue'ren «Euskalzale»-n etzuen idatzi, baiña bai, eta ugari,
«Ibaizabal»-en. Ona zerk eraginda asi zan. Kirikiño zan,
Azkue'kin batera, bilbotar agerkari «Ibaizabal» zeritzaionaren
artezkari, ta bere 6*garren geian, 1902-2-9'án, bertso-batzaldiak
iragarri zituen. Bertsolarientzako gaiak aidizkariak berak jarriko.
Lenengo gaia au izan zan: «Taberneruen bizimodua». Batzaldian
esku artu nai zutenai aste beteko epea ematen zitzaien.
Au ere esaten zuen: «Ez etorri, mutillak, negarrez edo serio;
bertso aiai edo alegreak egin eizuez». Zein-geiagoka auek etziran
Euskalerrian entzute aundiko ziran bertsogiñentzat, ezezagunentzat
baizik.
Bigarren batzaldiak gai oni buruzko bertsoak eskatzen zitun:
«Tanbolinteruen bizimodua». Ainbat lan eldu ziran Bizkaitik
eta Gipuzkoatik, baiña «euron artean bi dagoz ederto egiñak
eta biai lenengo saria emotea erabagi dabe batzaldien ardurea
daukeen jaunak». Gregorio Muxika ta Errenderi'ko Enrike
Elizetxea ziran bi auek. Aurrerantzean, idazlan ugari azaldu
zuen «Ibaizabal»-en, 1902-03'garren bi urteetan beiñik-bein.