Bernard Boller, Gottschalk d'Orbais de Fulda à Hautvillers

Gottschalk d’Orbais
de Fulda à Hautvillers :
une dissidence
184
IX. annexes
Qui crucis in ara pie nostrum fleuit uespere
Et patri concillauit toto fissus corpore
Se pro nobis offerendo hostiam placabilem,
Holocaustum singulare, uictimam mirabilem,
Mire multum libra pensum, dulce sacrificium.
Hinc manarunt sacramenta, quis constat ecclesia :
Sanguis, aqua, uita nostra, mistica redemptio,
Pax inormis et dulcedo,lucida purgatio.
Sicque restat sepultura, qua quiescunt mortui,
Quam prouidit et quadrato protulit senario
Occurrens nobis per simplum et proturbans geminum.
His ita surrexit Christus blandus et fulgoreus,
Quod docebat ad sepulchrum iuste sedens angelus,
Qualis est electis Christus, qualis peccatoribus.
Ergo te precamur, deus fortis et omnipotens,
Lux aeterna, mane nostrum lumenque perpetuum,
Vota nostra matutina digneris respicere,
Nostros dies tua pace placeat disponere,
Salues nos uigil aeternus a noctis operibus,
Dimittas peccata nostra, parcas facinoribus,
Facias nos crucifixos uiciosis actibus
Atque tibi consepultos quadratis muneribus,
Vt, cum dies repentina tremendi iudicii
Coeperit clarere cunctis specie terribilis
Et tubae clangor audiri, qua resurgent mortui,
Nos cognoscere digneris tuos esse proprios,
Immutatos, incorruptos pariterque lucidos
Ac tales digneris parti deputare dexterae.
Hisque uotis simul iunge, deus clementissime,
Hunc diem sine peccato tribuas transigere,
Opem miseris instanter da misericorditer,
Quo tibi possimus, deus, adhaerere iugiter,
Et tibi placere semper concede salubriter.
Gloria sit deo nostro, patri potentissimo,
Proli magne atque sancto flamini paraclito,