Bernard Boller, Gottschalk d'Orbais de Fulda à Hautvillers

Gottschalk d’Orbais
de Fulda à Hautvillers :
une dissidence
188
IX. annexes
O MI CVstOs
O mi custos, o mi heros, mi pater misericors,
Flecte, precor, ad me tuos miseranter oculos,
Lucem super omnem pulchros, super solem splendidos.
Tuque, mi redemptor, Christe, fili patris optime,
Dignare tuo cum patre me, quaeso, respicere
Vt respectus possim flere miser amarissime.
Tuque, spiritus o sancte, pie mi paraclite,
Qui ex patre filioque procedis assidue,
Me tuo misellum more conturbandum commoue.
Noui namque me peccasse contra te grauissime
Sicut die ita nocte corde, ore, opere.
Laboraui semper ualde te, deus, offendere.
Laboraui, inquam, ualde plura mala facere,
Quam sint homines in orbe, quam astra in aethere
Vel quam pisces intra mare, arena in litore.
Volo unde nunc lugere, sed non possum,domine.
Sine te quiui peccare, sed nequeo plangere.
Sine te sum lapsus male, sed non possum surgere.
Non enim possum plorare nec lamenta fundere,
Potui multa patrare qui mala cotidie,
Quorum soli patet tuae numerus scientiae.
Caro ita quidem mea sine te est arida
Sicut terra sine aqua, sicut petra rigida,
Oculorum est pupilla ceu cristallum frigida.
Sicque sicut silex dura cuncta sunt praecordia,
Ideo non ualet ulla emanare guttula
Exque me nec saltem una ire potest lacrima,