Bernard Boller, Gottschalk d'Orbais de Fulda à Hautvillers

Manuum tuarum opus respice clementius,
Si respexeris ploratus sequetur uberrimus,
Immo simul ululatus erit amarissimus.
Ego, pater, ille tuus prodigus sum filius,
Abs te procul exul factus qui fui diutius
Meretricibus coniunctus et consumptis omnibus,
Quae tu bonus es largitus, panis miser indigus,
Effectus fui subulcus saturari cupidus
Siliquis, sed dedit nullus quae dabantur suibus.
In me autem nunc reuersus, cum sim mendicissimus
Cumque tuae sciam prorsus multos penetralibus
Mercennarios in domus abundare panibus,
Reminiscens, quod benignus es atque piissimus,
Pietate tua fisus, quamuis indignissimus
Nomine serui misellus filiique penitus,
Aduolutus clamo tuis eiulans uestigiis,
Pater mi, peccaui meis in caelum miseriis
Atque coram te delictis grauibus et nimiis.
Non sum dignus dici tuus seruus nedum filius,
Sed iam iam dignetur meus pater clementissimus
Tractare suam benignus pietatem citius.
Eripe de portis mortis me, pater amabilis,
Pereat ne tui iuris suis plasma meritis.
Abest panis, adest famis, pestis miserabilis.
Nemo panem habet uitae praeter te, altissime,
Quem nunc cernor esurire indignus percipere,
Sed gratuito largire tu pius hunc munere
IX. annexes
Gottschalk d’Orbais
de Fulda à Hautvillers :
une dissidence
191