Bernard Boller, Gottschalk d'Orbais de Fulda à Hautvillers

IX. annexes
Teque uitam sempiternam flamine cognoscere
Necnon ipso debriati te semper diligere.
Hic Amen subdo libenter dulci modulamine.
Gloria, laus, honor patri, proli ac spiritui
Ex ambobus procedenti ante orsa saeculi
Trinitati lux perenni, unitati perpeti.
VIII. (HORAE) NONAE
Hora nona qui potenter emisisti spiritum
Et nobis uitae perennis contulisti praemium
Prouidaque pensum libra consecrasti pretium,
Nostrae mortis infernale penetrando baratrum
Lux ad inferos cessisti diem fundens tenebris,
Vbi tuis adsignasti uestimenta niuea,
Reprobos multasti poena merito fulgorea,
Hinc timentes et sperantes te precamur plurima :
A nobis aeternae mortis depellas formidinem
Et tuis profundae noctis auferas caliginem
Atque eos tuam transfer uitae ad dulcedinem.
Tu es ueste candidatus, aspectu fulmineus,
Tu es blandus et amandus, mitis et terribilis,
Tu es pulcher et dilectus ac desiderabilis,
Solus uere immortalis et incommutabilis,
Tu sanctus et admirandus, idem rex et dominus,
Purga nos multum squalentes et peccatis sordidos,
Fac nos mente luminosos, corpore perlucidos,
Vt tandem corpus exutos recognoscas candidos.
Hic fiat Amenque subdo uotis iungens modulos.
Gloria sit deo, patri proli quin spiritui,
Deo trino necnon uni, paci, uitae, lumini,
Nomini nimirum dulci diuinoque numini.
Gottschalk d’Orbais
de Fulda à Hautvillers :
une dissidence
187