Cop. quaderni cultura timavese - Taic in Vriaul

Tischlbongara piachlan
DAR VUKS UNT DAR BOLF
DAR VUKS UNT DAR BOLF
A mool, gonz dejoar, men da vichar honant ckreit, varlaicht peisar a bi miar,
honant gleip in-aan bolt a vuks unt sai kopari a bolf. An toog kein cnochz dar vuks as
in moga hott ckeart varziachnsi van hungar, hott pakeink in bolf as darhintar is gabeisn
umanondar zan sghbabalonzn zan schaung eipas ina ponzn zan tuanan “Hoila kopari
bolf, bi plaipisden?” heip oon dar vuks, as mear oopfiart iis gabeisn “Min zunt pini
schuana” tuatin ompartn dar bolf “ Ovar ii schomi niit zan soognenck, senant haintan
drai toga asi niks hoon pfreisn, unt heib oon hear unt umin zan klenkarn van hungar”
“Boffara Hailik tuatisden padonckn” sokkar “astis in hungar lain tuat in deiga moniar?”
“ Ii taat nia mochn vigilia nitt vir da Hailign unt nitt viir da mirakui” sok ear “Ii
mochsa bali niks hoon zan vreisn “ “ Eh kopari” sokkar “ii gea niit alana, bal ii hoon nitt
da kurascha” sokkar “ovar ii baas bo dar schpeck iis aufckenk!” “Soo, kopari, sokkis
da boarchat?” sok dar bolf as da aung scheadar auf hott gatonan “Dosto baar viir mii
da manna van himbl. Geamar, geamar asmar geam eisn a pisl!”
Dar vuks hott onckeip zan gianan voron-aus zan zaangin in beig, unt viartin ausn
bolt zuachn pan-aan pauar haus, unt seem zakkarin a louch asar hott ckoot gamocht in
cheldar zan gianan, ovar sghmool asou-viil as ear virpai is ckeman.
Dar vuks is durch gongan; unt dar bolf, as krepat is gabeisn boarn, unt zomm
gazouchn hintn nooch hozzi-aa aichn darzouchn. “Sichtis dodan, as dar schpeck iis
aufckenk” sokkin dar vuks” ziachz oar da bafa, ball-ii chrach niit, unt vrisz, asou meig
ii-aa vreisn” Dar bolf, min hungar asar hott ckoot, heipsi auf schtianantar afta hintara
tolpn, unt heip-oon zan vreisn bi mear asar hott gameik; unt min seeng onzanviilnsi da
ponzn hottarsi niamar gadenckt va sain kopari, as umanondar hott gatonzt abia a tamischar
min chopf ina liftn unt min savarach asin ausar is gongan hiin unt dentn van
sghnobl abia zbaa prina.
Zan darleist, vouldroo in hols zan ziachn unt umasunst zan sghlintn ona niks untara
zenda zan dartuanan, schprinkar bidar ausar van cheldar, unt darlukst da vrau drina in
haus as in sghlackar hott gatriim zuachn pan voiar, unt sokkar singantar “O biniguaziga
vrau, geats oachn in cheldar, bodis pachimp in biniguazn bolf asenck vrist da bafa
schpeck” Is baib, in hearn is-see zanckl, lott ols schtianan unt laft oachn in cheldar mitt
a goobl ina hont. Unt ear iis inearmust seem gabeisn, dar biniguazigar bolf, as da aung
hott gazouchn abia dar groasa varheila as hott gadaicht a voos valautar voul asar iis
gabeisn, sii schprinkin zua unt min earma vanondar heipsa oon zan sghlongin av-ola da
281