Cop. quaderni cultura timavese - Taic in Vriaul

saitn links unt reachz, aus da vraas van zoarn van schoon asar hott ckoot gamocht.
Zeachn unt ckeart bosta um-iin is ckeman, dar bolf vliak check unt schauk ausn zan
schpringan van louch ”Vardonta Menia! “ mendar min laarn moga hoarta aichn iis
ckeman, hiaz asar in pauch hott ckoot ongazouchn abia da haut van tambuur hiatar
vaneatn ckoot va zbaa leichar za meing ausn vliang.
Unt iis baib is virchn gongan min sghloong in pelz unt zan champning in ola da
moniarn mittar gobl. Dar vuks darbaila iis aichn gongan in haus; unt pacheman in
sghlackar as is baib hott ckoot varloosn, geat aichn min chopf, unt a mool sghmiartarsi
in moga min putar, unt noor darnooch hottarsi paholfn mittar riarmilach unt asou onpfilt
in moga unt da ponzn, geatar ausn unt lik nidar ina bisa boartn in kopari. In oarman bolf
lai darnoch asarsa hott ckoot pacheman mear as ganua is dar auga pfooln afta tiir van
cheldar, as lai zuachn is gabeisn gazouchn; unt asou ona drauf zan schtudiarn sghliaft
ausn afta see saita, laft aufn in haus, unt chrumpar isar ausn gloufn da schtearna
seachn unt is velt, moul van schtracha abia a cbeischpa.
Dar taivl vuks biadarin hott darlukst, hott onckeip zan lianan unt zan pleern abia a
tamischar unt abia mendar hiat ckoot zan vareckn. “Boss dar taivl hottisden, kopari?”
vrokkin dar bolf, as mitt deeng hott gamocht varschtianan asar nitt gonz gapochn is
gabeisn. “Menda lai tast beisn bi viil schtracha asamar hott geim!” sok dar vuks “Boss
honiden zan tuanan hiazan va miar! Ah kopari maindar va hearza! Ii aa bida sicht piin
gonz zasghloon. Hottmi pacheman in cheldar a schiachis znichz baib asmarsa hott
geim mear as ganua” “Ah kopari! Deis beart nia hoom pacheman asou viil schtracha
abia ii, as dodan piin gonz aufcbouln”. Zan meing darbischn in putar in sghlackar ear
hott in chopf aichn gatonan an schian schtuck, asou asin da riarmilach hott an baisn
zaich glosn oubar da aung. „Bos hottisden avn hiirn kopari, astis asou bais sait?“
vrokkin dar bolf. „Joisus, bilsta seachn asmar da cjurviei ausar chemant!“ Tuatarin
ompartn. „Honienchten boll zok asami in chraiz hont gatonan“ „Kurascha, kurascha:
schteaz auf unt geamar baitar, asuns nitt iamp hiat zan darsghloong“ „Ah kopari dosto
nitt!“ sokkarin „Ii chiim nitt a mool zareacht an triit zan mochn asmi oleischn tua vir
olabaila“.
Dar oarma bolf, nitt seem zan varlosnin avn beig, sokkin: „Guat, schtaiks drauf af
main ruka, asienck troong tua an schtuck, piss asis darmooch.“ Schtaikin drauf, unt
darbaila hottar zavlais gatonan hoarta zan tuanan unt zan lain van bearna, unt darbaila
asarin beck hott gatroong beknstar, dar vuks hott onckeip zan singan: „Din, don, dan,
dar chroncka trok in zuntn. Din, don, dan, dar chroncka trok in zuntn“. Mendar vouldro
is gabeisn zan hearn singan da see kantilena, dar bolf vrokkin: „Boss hottisden kopari,
astis olabaila asou sok?“ „Joisus! Ii gea ausun chopf, sichtis, houfmar va niit“ tuatin
ompartn dar vuks. Cbint darnoch dar see vardontar taivl sachtin avn ruka. „Boss
schteiltisden hiazan-oon“ sokkar, „Asmar asou prenan tuat afta schtracha abia mensamar
drauf tatn larn trementiin eil?“ „Ah kopari“ sokkar „Ii hiazan sghbizz, sichtis,
unt dear iis dar toatnsghbizz“ Dar bolf, as-ols hott gaglapp, hott cbint cjauk kurascha
zan mochning; ovar as-iis niamar lonck gongan asar, miada unt voula bearna bidar iis
gabeisn, asar hott gamuast auf holtnsi a pisl rostn, unt tuat nidar leing in vuks avn
282 Quaderni di cultura timavese