Denzinger (latin) Enchiridion Symbolorum, Denzinger. In lingua ...

329
Concile de Vienne (oecum. XV; sous Clément V; 1311-
1312);
Session III, 6 mai 1312; Constitution "Ad nostrum qui";
erreurs des Bégards et des Béguines sur l'état de
perfection
891 471 (1) Quod homo in vita praesenti tantum et talem
perfectionis gradum potest acquirere, quod reddetur
penitus impeccabilis et amplius in gratia proficere non
valebit: nam, ut dicunt, si quis semper posset proficere,
posset aliquis Christo perfectior inveniri.
892 472 (2) Quod ieiunare non oportet hominem nec
orare, postquam gradum perfectionis huiusmodi fuerit
assecutus, quia tunc sensualitas est ita perfecte spiritui et
rationi subiecta, quod homo potest libere corpori
concedere quidquid placet.
893 473 (3) Quod illi, qui sunt in praedicto gradu
perfectionis et spiritu libertatis, non sunt humanae
subiecti oboedientiae, nec ad aliqua praecepta Ecclesiae
obligantur; quia (ut asserunt) 'ubi spiritus Domini, ibi
libertas' (2 Cor 3, 17).
894 474 (4) Quod homo potest ita finalem beatitudinem
secundum omnem gradum perfectionis in praesenti
assequi, sicut eam in vita obtinebit beata.
895 475 (5) Quod quaelibet intellectualis natura in se ipsa
naturaliter est beata, quodque anima non indiget lumine
gloriae, ipsam elevante ad Deum videndum et eo beate
fruendum.
896 476 (6) Quod se in actibus exercere virtutum est
hominis imperfecti, et perfecta anima licentiat a se
virtutes.