Denzinger (latin) Enchiridion Symbolorum, Denzinger. In lingua ...

546
2152 1202 52. Praeceptum servandi festa non obligat sub
mortali, seposito scandalo, si absit contemptus.
2153 1203 53. Satisfacit praecepto Ecclesiae de audiendo
Sacro, qui duas eius partes, immo quattuor simul a
diversis celebrantibus audit.
2154 1204 54. Qui non potest recitare Matutinum et
Laudes, potest autem reliquas Horas, ad nihil tenetur;
quia maior pars trahit ad se minorem.
2155 1205 55. Praecepto communionis annuae satisfit per
sacrilegam Domini manducationem (cf. DS 2034).
2156 1206 56. Frequens confessio et communio, etiam in
his, qui gentiliter vivunt, est nota praedestinationis.
2157 1207 57. Probabile est, sufficere attritionem
naturalem, modo honestam.
2158 1208 58. Non tenemur confessario interroganti fateri
peccati alicuius consuetudinem.
2159 1209 59. Licet sacramentaliter absolvere dimidiate
tantum confessos ratione magni concursus paenitentium,
qualis verbi gratia potest contingere in die magnae
alicuius festivitatis aut indulgentiae.
2160 1210 60. Paenitenti habenti consuetudinem
peccandi contra legem Dei, naturae aut Ecclesiae, etsi
emendationis spes nulla appareat, nec est neganda nec
differenda absolutio, dummodo ore proferat, se dolere et
proponere emendationem.
2161 1211 61. Potest aliquando absolvi, qui in proxima
occasione peccandi versatur, quam potest et non vult