Müstəqillik dövründə Azərbaycan-Türkiyə əlaqələrinin kulturoloji ...

__________Milli Kitabxana__________
Hər iki ölkənin vətəndaşlarının bir-birilərinə turizm səyhətləri
üçün hər bir imkan veriləcəkdir. Qrşılıqlı olaraq turistik
vizalar verilməsi problemləri aradan qaldırılacaqdır. Turizm fəaliyyətlərinə,
reklama şərait yaradılacaqdır. Viza, sərhəd, kömrük
qaydaları sadələşdiriləcəkdir. Ekoloji təmizlik, çeşidli turizm
mərkəzlərinin inşaatını, kadr hazırlığı, xarici turizm
sahəsində ortaq şirkətlərin qurulmasını və turizmə bağlı digər
problemləri nəzərdə tutaraq qarşılıqlı əməkdaşlıq inkişaf etdirilməlidir.
Əlaqədar qurumlar hər iki ölkədə müntəzəm toplantılar
keçirməlidirlər (146, s.90-91).
Türkiyə ilə Azərbaycan rəsmilərinin 3 may 1992-ci il tarixində
verdikləri ortaq bəyənatda bildirilirdi ki, Türkiyə Cümhuriyyəti
Baş Bakanı Süleyman Dəmirəl Azərbaycan Respublikası
Cümhurbaşkan Vekili Yaqub Məmmədovun dəvətilə 2-3
may 1992-ci il tarixlərində Azərbaycan Respublikasına rəsmi
bir ziyarətdə olmuşdur.
Tərəflər iki ölkə arasında tarixdən qaynaqlanan qardaşlıq
əlaqələrinə uyğun olaraq, çox səmimi və dostluq atmosferində
görüşmüşlər. Görüşmələrdə ikili əlaqələri maraqlandıran bütün
məsələlər ilə regional və beynəlxalq məsələlər müzakirə
olunmuş və tərəflər ölkələrindəki siyasi və iqtisadi durum
haqqında informasiya mübadiləsində olmuşlar (158,s.119).
Elm, təhsil və mədəniyyət sahələrindəki əlaqələrin də dəyişdirilməsinin,
iki ölkə xalqının bir-birilərinə daha da yaxınlaşmasında
oynayacağı önəmli rola işarət edən tərəflər, bu
məqsədlə elm, təhsil və mədəniyyət sahələrindəki mütəxəssis
xidmətləri, texniki və elmi əməkdaşlıq anlaşması imzalamışlar.
Bundan başqa Türk tərəfi, 1992-1993 tədris ilində Azərbaycana
600-ü orta təhsildə, 1400-ü ali təhsildə istifadə olunmaq üzrə
cəmi 2000 öyrənciyə təqaüdlü kontenjan ayırdığını bildirmişdir.
Azərbaycan tərəfi, bu imkanı böyük məmnunluqla qarşıladığını
ifadə etmişdir. Bu imkanın həyata keçirilməsi üçün
tərəflər əlaqədar rəsmilərini əməkdaşlıqla görəvləndirmişlər.
111