Müstəqillik dövründə Azərbaycan-Türkiyə əlaqələrinin kulturoloji ...

14
__________Milli Kitabxana__________
lar toplanmışdır. Xüsusilə də, III kitab sırf mövzumuzla bağlıdır
(55; 56).
Samirə Məmmədovanın tərtib etdiyi “Azərbaycanda Atatürk
və Türkiyə Cümhuriyyəti araşdırmaları (1941 – 2003)” adlı
biblioqrafiyada azərbaycanlı alimlərin və müəlliflərin Azərbaycanda
və xarici ölkələrdə Türkiyə Cümhuriyyətinə və Atatürkə
aid qeyri-dövri mətbuatda çap olunmuş əsərləri barədə
məlumatlar toplanmışdır (11).
Jalə Qurbanova və Musa Piriyevin tərtib etdikləri “Azərbaycan
– Türkiyə münasibətləri (1920 – 1922)", Sənədlər və
materiallar” kitabında mövzu ilə bağlı bir sıra tarixi məlumatlar
verilmişdir (19).
Nizami Cəfərov “Türk Dünyasının birliyi strategiyası: Heydər
Əliyevdən İlham Əliyevə” və “Azərbaycan atatürkçülüyü,
yaxud Heydər Əliyev Atatürk haqqında” başlıqlı elmi yazılarında
mədəni əlaqələrimizin perspektivlərinə dair bir sıra
məsələlərə toxunur (39; 40).
Ruintən Sevincin “Azərbaycan türk dövlətləri ilə siyasi əlaqələr
sistemində (XX əsrin 90 -cı illəri)” adlı kitabında Azərbaycanın
türk dövlətlərinin çoxtərəfli siyasi əlaqələri sistemindəki
yerinə nəzər salınır, beynəlxalq və məhəlli təşkilatlar
çərçivəsində əməkdaşlıqdan və Türk dövlət başçılarının zirvə
toplantılarının ölkələrarası siyasi əlaqələrin inkişafındakı rolundan
geniş bəhs edilir. Monoqrafiyada Azərbaycanın türk dövlətləri
ilə siyasi əlaqələri tarixşünaslıqda və siyasətşünaslıqda
ilk dəfə olaraq kompleks şəkildə elmi-tədqiqat obyekti kimi
araşdırılır, müxtəlif faktların toplanılması, sistemləşdirilməsi
və təhlili əsasında müstəqilliyin ilk on ili ərzində bu əlaqələrin
tarixi yazılır. Faktik materialların öyrənilməsi və təhlili əsasında
mövcud əlaqələrin formaları, məqsəd və vəzifələri göstərilir,
real vəziyyəti – mövcud problem və çətinlikləri müəyyənləşdirilir,
ümumiləşmələr aparılır, gələcəkdə bütün potensial
imkanlardan istifadə edilməklə münasibətlərin daha da inkişaf
etdirilməsi məqsədilə praktik tövsiyələr verilir (103).