Müstəqillik dövründə Azərbaycan-Türkiyə əlaqələrinin kulturoloji ...

248
__________Milli Kitabxana__________
tədbirlərin, yubileylərin keçirilməsi; TÜRKSOY-un məqsəd və
vəzifələri çərçivəsində beynəlxalq elmi konfrans, simpozium,
mübahisələrin təşkil olunması; Mədəniyyət və incəsənət sahəsində
fəaliyyət göstərən başqa milli, beynəlxalq təşkilatlarla,
ictimai strurkturlar və hərəkatlarla əlaqələr saxlamaq, əməkdaşlıq
üçün müxtəlif birgə tədbirləri reallaşdırmaq və s. (89, s.
177-178).
TÜRKSOY tərəfindən 1999-cu ildə görülən işlərin yekunu
olaraq, həmçinin, gələcəkdə qarşıda duran vəzifələri özündə
əks etdirən “XXI əsrə müraciət” qəbul olundu. Ankarada keçirilən
Nazirlər Şurasının XIII yığıncağında qəbul olunmuş müraciət
TÜRKSOY adından türk dövlətlərinin başçılarına, xalqlarına
və hökumətlərinə ünvanlanmışdı. Müraciətdə aşağıdakılar
bəyan edilirdi:
– Biz hamımız üçün əlverişli olan əlaqələrimizin intensivləşdirilməsinə
təkan verəcək mühitin yaradılmasını, xalqlar
arasında əməkdaşlığın, mədəni mübadilənin gücləndirilməsinin
zəruriliyini dərk edirik. Bütün bunlar XX əsrin sonlarında başlanan
qloballaşma prosesi, dünya miqyasında hərbi münaqişələr,
terrorizm, iqtisadi böhran və təbii fəlakətlərin atrdığı
bir fonda baş verir;
– Yeddi il bundan öncə TÜRKSOY çərçivəsində fəaliyyətə
başlayanda bizim məqsədimiz Avrasiyanın böyük etnoslarından
biri olan türkdilli xalqların mədəniyyətini, tarixini
birgə öyrənmək idi. Əminik ki, başladığımız işi XXI əsrdə
uğurla davam etdirəcəyik;
– Dünya sivilizasiyasına öz töhfələrini verən türkdilli
xalqların mədəniyyəti XXI əsrdə dünya mədəni irsinin mühüm
komponentlərindən birinə çevriləcək;
– Müqavilə (“TÜRKSOY -un yaradılması və prinsipləri
haqqında” müqavilə nəzərdə tutulur) subyektlərinin və türkdilli
ölkələrin suverenliyinə böyük hörmətlə anaşaraq, heç bir ölkənin
siyası orientasiyasına müdaxilə etmədən biz, dünyanın mədəni
məkanında öz mədəni inteqrasiyamızı sürətləndirərək,