Müstəqillik dövründə Azərbaycan-Türkiyə əlaqələrinin kulturoloji ...

64
__________Milli Kitabxana__________
dirmək; 2. Təhlükəsizliyi təmin etmək; 3. Daxili quruculuq
üçün əlverişli beynəlxalq şərait yaratmaq; 4. Beynəlxalq əmək
bölgüsündə iştirak etmək; 5. Beynəlxalq münasibətlər sisteminin
formalaşmasında iştirak etmək; 6. Beynəlxalq münasibətlər
sistemində rolunu artırmaq; 7. Ermənistan – Azərbaycan münaqişəsinə
diplomatik-siyasi vasitələrlə son qoymaq; 8. Xarici ölkələrlə
və beynəlxalq təşkilatlarla əməkdaşlıq. Azərbaycan
dövləti bu vəzifələri müasir beynəlxalq hüquq prinsipləri əsasında
həyata keçirməyə başladı (5, s.467; 64, s.90).
Azərbaycanın beynəlxalq münasibətlərində Türkiyə xüsusi
yer tuturdu. 90-cı ildən etibarən Azərbaycan – Türkiyə arasında
elmi-texniki və mədəni əməkdaşlıq məsələləri də diqqət mərkəzində
oldu. 1990-cı il yanvarın 10-da 1990 – 1992-ci illər üçün
mədəni və elmi-texniki mübadilə barədə protokol, Azərbaycan
Respublikası prezidentinin Türkiyəyə səfəri zamanı elmitexniki
və mədəni əlaqələrə dair iki ölkə arasında saziş imzalandı.
Türkiyə Azərbaycanın dövlət müstəqilliyini 1991-ci il
noyabrın 9-da tanıyan ilk dövlət oldu. Müstəqilliyin ilk
illərində imzalanan bu sənədlər tezliklə reallaşmağa başladı.
Bakı – İstanbul hava xətti açıldı; mühmanxanalar sahəsində
əməkdaşlıq quruldu; Türkiyənin televiziya proqramları
Azərbaycanda göstərilməyə başlanıldı; respublikada “Zaman”
və “Milliyyət” qəzetlərinin büroları açıldı. Azərbaycan
Respublikasi ilə Türkiyə arasında elmi əməkdaşlıqda Elmlər
Akademiyasının və Bakı Dövlət Universitetinin özünəməxsus
rolu oldu. Azərbaycan Respublikasının təhsil və səhiyyə
nazirliklərinin Türkiyənin müvafiq nazirlikləri ilə əməkdaşlığı,
tələbə, aspirant və müəllim mübadiləsi genişləndi. Azərbaycan
və Türkiyənin qadın təşkilatları arasında əlaqələr quruldu.
Qarşılıqlı razılaşma əsasında Bakıda və İstanbulda
ixtisaslaşdırılmış “Türk dünyası” və “Azərbaycan dünyası”
kitab mağazaları açıldı. Artistlərin, müğənnilərin və folklor
qruplarının mübadiləsi, xalça və rəssamların əsərləri sərgiləri,
kino festivalları uğurla keçdi və turist əlaqələri genişləndi.