Müstəqillik dövründə Azərbaycan-Türkiyə əlaqələrinin kulturoloji ...

62
__________Milli Kitabxana__________
sində xeyli nöqsanlar mövcud idi. Bunların bir qismi mərkəzin
müvafiq təşkilatlarının üzərinə düşür. 1980 – 1990-cı illərdə
Azərbaycan dünyanın 120 ölkəsində mövcud olan 860-dan çox
təşkilatla mədəni əlaqələr saxlayırdı. Azərbaycanın başqa sahələrdə
olduğu kimi mədəniyyət sahəsində də sosialist, inkişaf
etmiş və inkişaf etməkdə olan ölkələrlə beynəlxalq əlaqələri
geniş xarakter aldı. Azərbaycanın xarici ölkələrlə mədəni əlaqələri
mənəvi həyatın müxtəlif sahələrini, o cümlədən təhsil,
ədəbiyyat və incəsənət kimi sahələri əhatə etdi. Hər il Azərbaycan
mədəniyyətinin yüzlərlə nümayəndəsi, onlarla bədii
kollektivi, aktyor qrupları xaricə getdi, təxminən qeyd olunan
qədər də xarici dövlətlərin mədəniyyət işçisi Azərbaycana gəldi
(5, s.463; 64, s.89).
1980 – 1990-cı illərdə Azərbaycan böyük beynəlxalq elmi
tədbirlərin mərkəzinə çevrildi. Bu dövrdə Bakıda 90-dan yuxarı
beynəlxalq elmi konfrans, simpozium, konqres və digər elmi
xarakterli tədbirlər keçirildi. 1980 – 1990-cı illərdə Azərbaycan
EA-nın fundamental elmi kitabxanası 53-ə qədər xarici ölkələrdə
fəaliyyət göstərən 580-ə qədər elmi mərkəzlə əməkdaşlıq
etdi. Bu illərdə kitabxana beynəlxalq kitab mübadiləsi yolu ilə
xarici ölkələrdən 110.000-dən artıq müxtəlif elmi ədəbiyyat
aldı, öz növbəsində isə 105.000 ədəd elmi ədəbiyyat yolladı.
Təkcə 1981 – 1985-ci illərdə kitabxana 43.532 ədəd ədəbiyyat
yolladı, 52.834 ədəd ədəbiyyat aldı. Həmin illərdə M.F.Axundov
adına Dövlət kitabxanası xarici həmkarlarına 10.000-ə qədər
ədəbiyyat yolladı, 11.000-dən yuxarı ədəbiyyat aldı. Azərbaycanın
beynəlxalq ictimai-siyasi əlaqələri müxtəlif formalarda,
mümkün olan bütün istiqamətlərdə həyata keçirildi. Lakin
bu əlaqələr konkret siyasi məqsədlərə tabe etdirilməsi və ciddi
nəzarət altında idi. Göstərilən əlaqələrin möhkəmlənməsinə yönəldilən
ən vacib formalardan biri ikitərəfli qaydada müxtəlif
ixtisas və dünyagörüşlərə malik olan ictimai və siyasi xadimlərin
mübadiləsi oldu. Əgər 1960 – 1970-ci illərdə Azərbaycanda
dünyanın orta hesabla 110 ölkəsindən ictimaiyyətin