Müstəqillik dövründə Azərbaycan-Türkiyə əlaqələrinin kulturoloji ...

116
__________Milli Kitabxana__________
– Azərbaycan Hökuməti namizədlərin adları, mövzuları, dil
bilgiləri və digər məlumatları ən azı 60 gün əvvəlcədən türk
rəsmilərinə verəcəkdir.
– Təhsil alacaq şəxslərin Türkiyəyə və Türkiyədən yol
xərcləri Azərbaycan Hökuməti tərəfindən ödənəcəkdir.
– Bu protokol iki il qüvvədə qalacaq və tərəflərdən biri
müddətin sona çatmasından 3 ay öncə sona erdirilməsini tələb
etmədiyi təqdirdə iki illik bir müddət üçün keçərli uzadılmış
sayılacaqdır. 2 noyabr 1992-ci il tarixində Ankarada Türkiyə
türkcəsi və Azərbaycan türkcəsində hər ikisi də keçərli iki nüsxə
olaraq imzalamışdır (146, s. 125-126).
Türkiyə Cümhuriyyəti tərəfindən edilən yardımlar və
proyekt çalışmaları çərçivəsində Azərbaycanla bağlı TİKA-nın
noyabr 1992-ci il tarixli hesabatda göstərilir ki, (152, s.24-31)
mədəniyyət məsələlərində TRT yayınlarının izlənilməsinin təmin
edilməsi, proqram mübadiləsi və proqram hazırlanmasında
əməkdaşlıq üçün protokol imzalanmışdır. Türkiyənin təklifilə
TRT tərəfindən AVRASYA-TV projesi gerçəkləşdirilmişdir.
1990-cı ildə Milli Egitim Bakanlığından tələb edilən Kültür
Mərkəzi gerçəkləşdirilmişdir.
Milli Egitim Bakanlığı və Xarici İşlər Nazirliyi tərəfindən
tarix, türkcə, coğrafiya və din təhsili mövzularında konqreslər
təşkil edilməsi 18.5.1992-ci il tarixli Egitim Bakanları Ankara
toplantısında razılaşdırılmışdır. Milli Egitim Bakanlığının bu
mövzudakı çalışmaları davam etməkdədir.
Kültür Bakanlığı və Xarici İşlər Nazirliyinin təşkil etdiyi
20.6.1992-ci il tarixli İstanbul Mədəniyyət Nazirləri toplantısında
Ortaq Türk Əlifbası üzərində anlaşmaya nail olunmuşdur.
Çalışmalar hazırlıq mərhələsində olub, Kültür Bakanlığının
bu sahədəki çalışmaları davam etməkdədir.
20.6.1992-ci il tarixli İstanbul Mədəniyyət Nazirləri toplantısında,
Mədəniyyət Nazirləri Daimi Şurası və Əməkdaşlıq Bürosu
qurulması qərarlaşdırılmış, Mədəniyyət Nazirliyi bu sahədə
çalışmalara başlamışdır (152, s.24).