Müstəqillik dövründə Azərbaycan-Türkiyə əlaqələrinin kulturoloji ...

__________Milli Kitabxana__________
əlaqələrin böyük tarixi var. Biz kökü bir olan xalqıq. Bizim
tariximiz bir, dilimiz bir, dinimiz birdir. Əsrlər boyu xalqlarımız
bir-birinə oxşayan, yaxud azca fərqlənən adət və ənənələrini,
mədəniyyət və elmini qoruyub saxlamış və inkişaf etdirmişdir.
Əsrlər boyu xalqlarımız bir olmuş, çiyin-çiyinə vermişlər.
Azərbaycan ilə Türkiyə arasında əlaqələri dostluq, qardaşlıq
əlaqələri adlandırmışlar. Bu əlaqələr bir xalqdan, bir kökdən
gələn xalqların əlaqələridir. Bu, keçmişdə də belə olmuşdur və
əlaqə saxlamağa imkanımız olmadığı vaxtlarda da qəlbimizdə
məhz belə olmuşdur, indi də belə olaraq qalır. Ona görə də tariximiz,
milli köklərimiz, adət və ənənələrimizin hamısı bizi birbirimizə
sıx bağlayıbdır. Əsrlər boyu tarixin bütün mərhələlərində
bizi bir-birimizdən çox ayırmağa çalışsalar da, buna
müvəffəq olmamışlar. Odur ki, bundan sonra da heç bir qüvvə
bizi bir-birimizdən ayıra bilməyəcəkdir” (55, s. 126-127).
Azərbaycan Prezidenti Heydər Əliyev 2001-ci il 12-17
mart tarixlərində üçüncü dəfə Türkiyədə rəsmi səfərdə olmuşdur.
Səfər zamanı Azərbaycan – Türkiyə mədəni əlaqələrinin
müxtəlif aspektlərinə toxunan Heydər Əliyev çoxsaylı tarixi
faktlar ortaya qoyurdu. Həqiqətən də böyük öndərin çıxışlarını
təhlil etsək və əgər ölkələrimiz arasındakı mədəni əlaqələrin
inkişaf dinamikasına ardıcıl şəkildə nəzər salsaq, onun dediklərinin
tam bir həqiqət olduğu aydın görünər.
Türkiyə Respublikasının Prezidenti cənab S.Dəmirəlin dəvəti
ilə Azərbaycan Respublikasının Prezidenti cənab Heydər
Əliyev 5-8 may 1997-ci il tarixlərində Türkiyə Respublikasına
ikinci dəfə rəsmi səfər etmişdir. Səfər iki ölkə arasındakı münasibətləri
daha yüksək səviyyəyə qaldırmış və müxtəlif sahələri
əhatə edən 9 sənəd imzalanmışdır. Bunlardan xüsusi əhəmiyyət
kəsb edən və iki qardaş ölkənin gələcək əlaqələrinə təsir göstərən
“Azərbaycan Respublikası ilə Türkiyə Respublikası arasında
strateji əməkdaşlığın dərinləşməsi haqqında bəyannamə”
oldu.
37