Müstəqillik dövründə Azərbaycan-Türkiyə əlaqələrinin kulturoloji ...

130
__________Milli Kitabxana__________
qanlıq təsdiqi ilə qurulan Komissiya aparmış olduğu təhlil və
dəyərləndirmə fəaliyyətləri nəticəsində Azərbaycan – Türkiyə
mədəni əlaqələri baxımından da əhəmiyyətli olan ciddi qərarlar
vermişlər (159, s.129).
Əldə olan rəsmi sənədlərdə ortaq tarix və ədəbiyyat birliyinə
nail olmaq üçün görülən işlər və bu işlərin bugünkü vəziyyətini
aşağıdakı kimi ümumiləşdirə bilərik:
Türk Dünyasında “Ortaq tarix və ədəbiyyat birliyi” yaratmaq
üçün iş görülməsi, bu məsələ ilə bağlı komissiyalar qurulması,
Qırğızıstanın paytaxtı Bişkekdə keçirilən II təhsil Nazirləri
Konfransında qərara alınmışdır. Ədəbiyyat və tarixdə ortaq
proqram hazırlanması məqsədilə bir komissiya qurulması və bu
komissiyanın noyabr 1992-ci ildə İstanbulda toplanaraq öz
fəaliyyətlərinin prinsiplərini və müddətini qərarlaşdırması. Bu
qərarın bir gərəgi olaraq, 26 noyabr-3 dekabr 1992 tarixləri
arasında İstanbulda Türkiyə, Azərbaycan, Qazaxıstan, Qırğızıstan,
Özbəkistan və Türkmənistan təmsilçiləri toplanaraq “Ortaq
tarix və ədəbiyyat” proqpamlarında yer alacaq məsələləri təsbit
etmişlər. Beləcə bütün Türk Dünyasında eyni mövzuların
oxudulması yolunda çox önəmli bir addım da atılmışdır.
Yalovada gəlinən qərarlara görə: hər Cümhuriyyət müəyyənləşdirilən
ortaq tarix mövzularını, öz ölkələrini maraqlandıran
mövzularla birlikdə oxuda biləcəyi kimi, ayrı bir dərs
olaraq da oxuda biləcəkdir. Bu dərslərlə əlaqəli kitablar, ən
geci bir il içərisində hazırlanmış olacaqdır (159, s.132).
Yalovada görülən işlərin bir davamı olaraq, “Ortaq tarix və
ədəbiyyat” Komissiyaları 29-31 mart 1993-cü il tarixləri arasında
Ankarada toplanaraq çalışmışlar. Bu çalışmaların sonucunda
bəzi qərarlar və tövsiyə qərarları verilmişdir (159,
s.133). Məsələn, ortaq əlifba komissiyasinin məlumatinda deyilir
ki, 12.4.1993-cü il bazar ertəsi saat 09.30-da əlifba komissiyasi
toplanmiş, aşağida bildirilən işlər görülmüşdür:
Hər ölkənin milli təhsil ümumi məqsədləri ilə ibtidai özəl
məqsədlərini ehtiva edən yazılı, rəsmi mətnlərin istənməsi;