Müstəqillik dövründə Azərbaycan-Türkiyə əlaqələrinin kulturoloji ...

__________Milli Kitabxana__________
Çalışmalar hələ hazırlıq mərhələsində olub, Milli Egitim
Bakanlığının bu sahədəki çalışmaları davam etməkdədir.
YÖK, ÖSYM, M.E.B., TÖMER strukturunda, egitim və
öyrətim təqaüdləri təmin edilməsi məsələsində hörmətli Baş
Nazirimizin ziyarəti sırasında ortaq bəyanat imzalanmışdır.
Öyrənci Seçmə Komissiyası göndərilməkdədir. Yataqxana,
türkcə öyrətim, təqaüd miqdarları və daşıma problemlərinin
həlli üçün çalışılmaqdadır. Cəmi 2 min nəfərə imkan təmin
ediləcəkdir (600 orta təhsil, 165 ön lisans, 960 lisans, 205
lisans üstü, 70 doktora). İyul 1992-ci ilin sonuna qədər seçim
edilib 1 avqustda Türkiyədə təhsil başlayacaqdır (152,s.27).
Bu sənəddə bəzi siyasi və qarşılıqlı münasibətlərə də toxunulmuşdur.
Belə ki, siyasi məsələlərlə bağlı deyilir: “Sayın baş
Bakanımızın Elçibəyə sözlü vədi və bağlanılan bir protokol ilə
Xarici İşlər Nazirləri arasında əməkdaşlıq və düzənli müşavirələr
nəzərdə tutulmaqdadır”. İkili əlaqələrlə bağlı bunlar qeyd
edilir:
– Bakanlar Kurulu açıqlaması ilə 16.6.1991-ci ildə Azərbaycan
Cümhuriyyətinin müstəqilliyi tanınmışdır.
– Yeni Müstəqil Türk Dövlətləri Dövlət Başçıları 1991-ci
ilin yayında Türkiyəni ziyarət etmişlər. Sayın Xarici İşlər Naziri
28 fevral – 6 mart 1992-ci il tarixlərində, Sayın Baş Nazir
27 aprel-3 may tarixlərində bölgə ölkələrini ziyarət etmişlər.
– Sayın Baş Nazirin ziyarəti sonunda Xarici İşlər Nazirlikləri
arasında əlaqəli protokollar qəbul edilmişdir (152, s.27).
Çoxtərəfli ikili əlaqələrlə bağlı isə bildirilir ki, Azərbaycan
Xarici İşlər Naziri Tofiq Kazımov 3 günlük rəsmi ziyarət üçün
Ankaraya gəldi. Görüşmələrdə Azərbaycan ilə etnik tarixi
qardaşlıq əlaqələrini gücləndirmək üçün Ankaraya təyin edilən
Səfir Məmməd Əliyev təqdim edildi. İki ölkə arasındakı
əlaqələri inkişaf etdirmək, davam edən əlaqələri hüquqi
qüvvəyə mindirmək üçün 11.8.1992-ci ildə imzalanan sözləşmə
və əlavə protokol ilə qurulması qərarlaşdırılan konsulluğa
118