Müstəqillik dövründə Azərbaycan-Türkiyə əlaqələrinin kulturoloji ...

__________Milli Kitabxana__________
– İki ölkə təhsil təşkilatları arasındakı əlaqələr və bununla
bağlı ölkələrimiz arasındakı qarşılıqlı ziyarətlər edilməsi səlahiyyətli
orqanlar tərəfindən hazırlanmış qaydaya uyğun şəkildə
gerçəkləşdiriləcəkdir.
– Bu Anlaşma Türk və Azərbaycan dillərində olmaqla iki
nüsxədə hazırlanmış və hər iki mətn eyni dərəcədə keçərlidir.
Bu Anlaşma imzalandığı tarixdən qüvvəyə minir.
Azərbaycan təhsilinin inkişafına yeni imkanlar açan bu 29
maddəlik razılaşma sənədini Türkiyə Cümhuriyyəti Milli Egitim
Bakanlığı tərəfindən nazir Köksal Toptan və Azərbaycan
Respublikası Xalq Təhsili Nazirliyi tərəfindən nazir Prof. Dr.
Rafiq Balaşoğlu Feyzullayev imzalamışdır (158, s.92).
Azərbaycan Respublikası Xalq Təhsili Nazirliyi ilə Türkiyə
Cümhuriyəti Milli Egitim Bakanllğl arasında eğitim-öğretim
sahəsində əməkdaşlıq müqaviləsi (158, s.93-95) demək olar ki,
yuxarıda sözügedən razılaşma sənədinin bir növ davamı olaraq
dəyərləndirilə bilər. Sənəddə vurğulanır ki, Azərbaycan
Respublikası Xalq Təhsili Nazirliyi və Türkiyə Cümhuriyyəti
Milli Eğitim Bakanlığı tərəfindən, müstəqil Azərbaycan və
Türkiyə Cümhuriyyətləri arasında eğitim-öğretim sahəsindəki
əlaqələrin inkişaf etdirilməsini təmin etmək üçün aşağıdakı
məsələlərdə anlaşmaya vardılar:
– Orta məktəb və lisə öğrəncilərinin oxudulması üzrə qarşılıqlı
olaraq mübadiləsi (şərtlər müəyyənləşdiriləcəkdir)
– Tələbələrin oxudulmaq üzrə qarşılıqlı olaraq mübadiləsi
(sayı: ilk il 100 nəfərdən başlayaraq 1000 nəfərə artırıla biləcək).
– Tərəflərcə, təcrübə mübadiləsi aparmaq üçün müəllimlərin
1 və ya 2 aylıq müddətlərlə qarşılıqlı dəyişimi təmin ediləcəkdir.
– Hər iki ölkənin müəllim və təhsil kadrlarının təcrübə mübadiləsini
aparmaq üçün 3 aylıq, 6 aylıq və 1 illik müddətlərlə
qarşılıqlı olaraq dəyişimi.
124