Müstəqillik dövründə Azərbaycan-Türkiyə əlaqələrinin kulturoloji ...

120
__________Milli Kitabxana__________
alma imkanı tanıyacaqdır. Bu tələbələrin müəyyənləşdirilməsi
yollarını göstərmək üzrə bir Türk heyəti ən qısa zamanda Azərbaycanı
ziyarət edəcəkdir.
6) Türkiyə, Azərbaycanda pullu ali təhsilə keçilməsi çalışmalarına
yardımçı olmaq üzrə bu ölkəyə mütəxəssis göndərəcəkdir.
7) İki ölkə Milli Egitim Bakanları arasında imzalanan Protokol
çərçivəsində Azərbaycandan Türkiyəyə tələbə göndərmək
istəyən şəxs, qurum və vakflara, bundan belə Azərbaycan rəsmiləri,
ancaq Türk Milli Egitim Bakanlığının qarant məktubuna
istinadən gərəkli izni verəcəklər.
8) İki ölkə Xarici İşlər Nazirlikləri, aralarında imzalanan
Protokol çərçivəsində yaxın əməkdaşlıq və qarşılıqlı fikir alışverişi
içində olacaqlar. Bu çərçivədə:
a) Türkiyə Xariciişləri Bakanlığı, Azərbaycan Xarici İşlər
Nazirliyinin yenidən yapılanmasında yardımçı olmaq üzrə
danışman – müşavirlər (məsləhətçilər) yollayacaqdır.
b) Türkiyə, Azərbaycan diplomatlarının Türk Xariciişləri
Bakanlığında təhsil və staj görmələrinə imkan yaradacaqdır.
Buna görə, Azərbaycan diplomatları, Türk Xariciişləri Bakanlığının
Akademiyasında staj görə biləcəklər və Bakanlığın birimlərində
- şöbələrində bu müddət ərzində çalışa biləcəklər.
c) Türkiyə, Azərbaycanın Ankarada səfirlik aça bilməsi
üçün müvəqqəti olaraq bir bina kirələməyə və bu müddət ərzində
Ankaradakı diplomatik şəhərcikdən Azərbaycana torpaq
verərək səfirlik binasının inşasını gerçəkləşdirməyə hazırdır.
d) Türkiyə, Azərbaycanın öz təmsilçiliklərini qurana qədər,
öz səfirlikləri vasitəsilə Azərbaycanın mənfəətlərini üçüncü ölkələr
və beynəlxalq quruluşlar nəzdində izləməyə və bu çərçivədə,
başda Birləşmiş Millətlər Təşkilatı olmaq üzrə, başlıca
beynəlxalq quruluşlar nəzdindəki Daimi Təmsilçiliklərində
Azərbaycanın təmsilçilərinə yer verməyə hazırdır.
e) Azərbaycan beynəlxalq təşkilatlara üzv olduğunda
Türkiyə ilə eyni bölgə qruplarda yer alması xüsusunda iki ölkə