Müstəqillik dövründə Azərbaycan-Türkiyə əlaqələrinin kulturoloji ...

122
__________Milli Kitabxana__________
– Hər iki ölkə nazirlikləri səlahiyyətlilərinin elm və təcrübələrini
inkişaf etdirmək məqsədilə nazirliklər arasında bir aylıq
əməkdaşlıq mübadiləsi.
– Türkiyə tərəfi texniki məktəblərdə təhsil almaq üçün VIII
sinfi bitirən (IX-X-XI siniflər üçün) azərbaycanlı tələbələri qəbul
edəcəkdir.
– Türkiyə tərəfi Bakıda Azərbaycan Xalq Təhsili Nazirliyinin
uyğun gördüyü bir binada Türk məktəbi açacaqdır. Bu
məktəbdə təhsil türk və yabançı dillərdə aparılacaq. Məktəb
Türkiyədən Bakıya gələn Türk iş adamlarının, müəllimlərin,
sənət adamlarının, digər yabançıların və eyni zamanda Azərbaycan
uşaqlarının təhsil alması məqsədi ilə açılacaqdır.
– Tərəflər öz tarix, mədəniyyət və ədəbiyyatının öyrənilməsində
qarşılıqlı yardımda olacaqlar.
– Tərəflər arasında dil, mədəniyyət, elm, texnika və idman
sahələrində olimpiadalar keçiriləcək (158, s.90).
– Hər iki hökumətin girişimi ilə Türkiyə və Azərbaycanda
qarşılıqlı olaraq “Təhsil mərkəzi” açacaqlar.
– Latın əlifbası ilə yazı makinalarında yaza bilməyi öyrətmək
üçün Türkiyədən müəllimlər gələcək.
– Tərəflər təhsil sahəsində hər cür vasitə və ləvazimatları
(video-kasset, ...) qarşılıqlı mübadilə edəcəklər.
– Türkiyə Milli Egitim Bakanlığı Türkiyənin Azərbaycanda
təhsil görən tələbə və öyrənciləri, Azərbaycanda müsafir olan
təmsilçilər üçün ayrıca bir bina tikəcəkdir (Binanın bir qismi
mənzil olaraq, digər qismi isə Azərbaycan Xalq Təhsili Nazirliyinə
aid otel kimi istifadə ediləcəkdir).
– Tərəflər bu anlaşmada bildirilən maddələrin uyğunlaşmasını
təmin etmək və təhsil sahəsində müştərək iş yapmaq məqsədi
ilə 6 nəfərlik “Daimi komissiya” (hər tərəfdən üç nəfər
olmaq üzrə) quracaqlar.
– Dərs proqramları araşdırılaraq ikili razılığa gəlinmiş maddələr
“Daimi komissiya” tərəfindən qəbul edilərək həyata keçirilmək
üçün hər iki nazirliyə tövsiyə ediləcək.