Müstəqillik dövründə Azərbaycan-Türkiyə əlaqələrinin kulturoloji ...

__________Milli Kitabxana__________
5. Türkiyədə oxuyan digər Türk Cümhuriyyətlərinin
öyrəncilərinin öz ölkələrinə uyğun olaraq yetişdirilmələri üçün
tərəflər arasındakı əməkdaşlıq möhkəmləndirilməlidir.
6. İnsan gücü ehtiyacları və yetişkinlərin keyfiyyətləri diqqətə
alınaraq, yaygın təhsil mövzusunda əhatəli əməkdaşlığa
gedilməlidir.
7. Türk Cümhuriyyətlərindəki təhsil sistemlərinin bir-biriləri
ilə qarşılıqlı inkişafı üçün tədbirlər görülməlidir.
Keyfiyyətə güzəşt edilmədən öyrəncilərin dərs yükünü
azaltma mövzusunda tərəflər arasında əməkdaşlıq yaradılmalıdır
(159, s.149-150).
Heç şübhəsiz ki, Azərbaycan – Türkiyə arasındakı təhsil
əlaqələrindən bəhs edərkən, bunun hər iki tərəf üçün müəyyən
problemlər yaradacağı həqiqətini də inkar etmək olmaz. Məsələn,
Türkiyə Təhsil Nazirliyinin müvafiq hesabatında bu məsələyə
toxunularaq bildirilir ki, təhsil məqsədilə ölkəmizə gətirilən
çox sayda Türk Cümhuriyyətləri və Türk topluluqları öyrəncilərinin
ali təhsil təşkilatlarına qəbul edilmələri öz mövcud
tələbələrimizin də bu nisbətdə ali təhsil təşkilatlarımıza girə
bilməmələrinə və bu imkandan məhrum olmalarına səbəb olduğu
hamımıza bəllidir. Bu xüsusun əvəzlənməsi cəhətinə gedilməsi,
digər tərəfdən bu ölkələrə göndəriləcək öyrəncilər
vasitəsilə türk mədəniyyətinin bu ölkələrə ötürülə bilməsi üçün
anılan ölkələrə türk öyrəncilərinin göndərilməsi imkanlarının
araşdırılması yerində olacaqdır (159, s.154).
Türk Cümhuriyyətləri və Türk topluluqları təhsil təşkilatlarından
alınan diplom və təhsil sənədlərinin bərabərliyi: SSRİ
ilə ölkəmiz arasında daha öncə imzalanan ikili təhsil, elm və
mədəniyyət müqavilələri çərçivəsində aparılmaqdadır. Ancaq
sözü gedən ölkələrlə ölkəmiz arasında imzalanacaq təhsil, mədəniyyət
elm sahələrində əməkdaşlıq müqavilələri, razılaşma
sənədləri və protokollarda bərabərlik işlərinin də yer almasına
nail olunmalıdır (159, s.155).
138