Müstəqillik dövründə Azərbaycan-Türkiyə əlaqələrinin kulturoloji ...

184
__________Milli Kitabxana__________
canca lügət” tərtib etdi. Ədəbiyyatşünaslarımız tərəfindən
Y.Kamalın və b. həyat və yaradıcılığı təhlil edildi. İnstitut
akademiyanın əsaslı kitabxanası vasitəsilə Türkiyənin Ankara
universiteti ilə kitab, habelə elmi materialların fotosurətləri mübadiləsini
aparırdı. Ankara universitetinin professoru K.Akyuz
və bir sıra türk şair, yazıçı və jurnalistləri Bakıda Şərqşünaslıq
institutunun fəaliyyəti ilə ətraflı tanış oldular (3, s.50-51).
1990-cı ildə Türkiyədə Azərbaycan kitabı sərgisi təşkil
edildi. M.F.Axundov adına Azərbaycan Dövlət Kitabxanasının
təqdim etdiyi kitablar xarici tamaşaçıları və kitabsevərləri
Azərbaycanın bədii, tüxniki, elmi, tarixi, habelə incəsənət sahəsində
nailiyyətləri ilə yaxından tanış etdi. Bu, Azərbaycan –
Türkiyə mədəni əlaqələrinin inkişafına təkan verdi. Azərbaycan
– Türkiyə mədəni əlaqələrinin möhkəmlənməsində ədəbi-bədii
əlaqələr də mühüm yer tutur. Azərbaycan klassikləri Nizami,
Xəqani, Füzuli, Nəsimi, Saib Təbrizi, M.F.Axundzadə, Sabir,
Cəlil Məmmədquluzadə ilə yanaşı respublikamızın müasir yazıçılarının
əsərləri də Türkiyədə rəğbətlə qarşılandı (3, s.60).
Qaracaoğlanın xatirəsinə həsr olunmuş musiqi və poeziya
bayramı təntənələrində iştirak etmək üçün respublikamızın görkəmli
musiqi və poeziya ustaları türk aşığının Vətəni Adana
şəhərində oldular. Azərbaycan nümayəndə heyətinə 40 nəfər
artist, müğənni, rəqqas, musiqi və folklor ustaları daxil idilər.
Onlar 1990-cı il noyabrın 25-də başlayıb davam edən beynəlxalq
mədəniyyət və incəsənət həftəsində iştirak etdilər.
1990-cı ilin fevralında qədim xalq sənəti nümayəndələrinin
Türkiyənin bir neçə şəhərində görüşləri Azərbaycan – Türkiyə
aşıqları arasında ənənəvi əlaqələrin inkişafına yeni bir təkan
verdi. Azərbaycan aşıqlar birliyinin sədri Hüseyn Arif Əskişəhər
meri və xalq yaradıcılığının bütün növləri ilə məşğul olan
nüfuzlu təşkilat “Türk folklor qurumu”nun dəvəti ilə görkəmli
türk filosofu, sufi şair Yunis İmrənin 700-illik yubileyinə həsr
olunmuş poeziya həftəsində iştirak etmək üçün Əskişəhər,
Ankara və Məlləkkədə oldu. Məlləkkədə bu təntənə çərçivə-