Müstəqillik dövründə Azərbaycan-Türkiyə əlaqələrinin kulturoloji ...

__________Milli Kitabxana__________
Zirvə görüşüdür. Hər bir Zirvə görüşündə biz çox məsələlərə
baxırıq. İndi bəyannamə hazırlanıb razılaşdırılıbdır. Türkdilli
dövlətlərin elm, mədəniyyət sahəsindəki işbirliyi, bizim tarixi
köklərimiz, ədəbiyyat, mədəniyyət sahəsindəki şəxsiyyətlərimiz
və bunların əsasında indi bizim türkdilli dövlətlər arasında
çox yaxşı işbirliyinin yaranması, iqtisadi əlaqələr, – təbiidir ki,
bu, əsas yer tutur. Türkdilli dövlətlərin başçılarının Zirvə görüşlərinin
Daimi Katibliyinin və onun iqamətgahının Türkiyədə
yerləşdirilməsi barədə təklif də səslənmişdir. Türkmənistan
Prezidenti növbəti, VIII Zirvə görüşünün 2002-ci ildə Aşqabadda
keçirilməsini təklif etmişdir (55, s.250-253).
Dövlət başçıları Zirvə görüşü zamanı hazırlanmış İstanbul
bəyannaməsinin müddəalarını bəyəndiklərini bildirmişlər. Elə
həmin gün türkdilli ölkələrin dövlət başçıları İstanbul bəyannaməsini
imzalamışlar. Bəyannamədə göstərilir ki, Azərbaycan
Respublikasının Prezidenti Heydər Əliyev və digər türk dövlətlərinin
başçıları 2001-ci il aprelin 26-27də İstanbulda türkdilli
ölkələrin dövlət başçılarının VII Zirvə görüşünü keçirmişlər.
Dövlət başçıları xalqlarımızın bir sıra problemlərinə dair
qərara gəlmişlər ki, burada bilavasitə mədəniyyətlə bağlı olanlarının
yalnız bəzilərinə toxunuruq. Beləliklə dövlət başçıları:
– aralarındakı tarix, mədəniyyət və dil birliyinin
əhəmiyyətini, dostluq, hüquq bərabərliyi və qarşılıqlı
mənafelərə hörmət ruhunda bütün sahələrdə dövlətlərarası
münasibətlərin və əməkdaşlığın mövcud yüksək səviyyəsini
qeyd edərək;
– bir sıra mədəniyyət məsələləri barədə fikir mübadiləsi
apararaq bəyan edirlər:
– Dövlət başçıları tarixi, dil və mədəni əlaqələrin möhkəmləndirilməsinə
və bu istiqamətdə işin gücləndirilməsinə
tərəfdar olduqlarını, TÜRKSOY-un təhsil və mədəniyyət
sahəsində fəaliyyətinin müsbət töhfə verdiyini bildirmiş və bu
təşkilatın fəaliyyətini bundan sonra da təşviq edəcəklərini
vurğulamışlar.
221