Müstəqillik dövründə Azərbaycan-Türkiyə əlaqələrinin kulturoloji ...

152
__________Milli Kitabxana__________
əlaqələrin müxtəlif istiqamətləri üzrə geniş işlər aparılmağa
başlanmışdır. İki ölkə arasında elmi-texniki əməkdaşlıq müxtəlif
elmi-tədqiqat işləri ilə məşğul olan şirkətlər, firmalar
vasitəsilə də həyata keçirilmişdir. Belə ki, Y.Məmmədəliyev
adına Neft-Kimya Prosesləri İnstitutu 1991-ci il 16 avqust
tarixində Petkim Petrokimya Holdinq A.S (PETKİM)-lə, 1992-
ci ildə Türkiyənin bir neçə firması, “İşıqsan Kimya Ticarət
Senayi A.S”, “Nüvə Sanayi A.S”, “Mina A.S”-la Azərbaycan
Elmlər Akademiyasının institutları arasında elmi-texniki əməkdaşlıq
və mübadilə haqqında razılıq əldə edilmişdir.
Azərbaycan Elmlər Akademiyası elm və texnika sahəsində
mövcud əməkdaşlığan inkişafının, iki ölkə arasında əlaqələrin
möhkəmləndirilməsinin vacib bir amil olduğunu nəzərə alaraq
Türkiyənin bir çox elmi müəssisələri arasında elmi və texniki
əməkdaşlıq haqqında müqavilə imzalanmışdır (63, s.20).
Azərbaycan – Türkiyə elmi-mədəni əlaqələrinin inkişafında
səhiyyə sahəsindəki əməkdaşlığın da mühüm rolu olmuşdur.
1990-cu ilin oktyabrında Bakıda keçirilən ilk Azərbaycan –
Türkiyə cərrahiyyə simpoziumu ixtisaslaşdırılmış onkoloji,
uroloji və abdominal cərrahiyyədə qarşılıqlı əməkdaşlığın perspektivlərinə
həsr olundu. Dörd gün ərzində respublika diaqnostika
mərkəzinin konfrans salonunda keçirilmiş iclasda cərrahiyyə
elmində və təcrübəsində qazanılmış son nailiyyətlər üzrə
geniş müzakirə aparıldı, respublika onkoloji elmi mərkəzində,
respublika səhiyyə nazirliyinin M.Topçubaşov adına Elmi-
Tədqiqat Kliniki və Eksperimental Cərrahiyyə İnstitutunda,
Ə.F.Qarayev adına 2 saylı birləşmiş klinik uşaq xəstəxanasında
birgə cərrahiyyə əməliyyatları aparıldı. Bu əməliyyatlarda Türkiyənin
mütəxəssisləri ilə respublikamızın məşhur cərrahları
xəstələr üzərində birgə uğurlu əməliyyatlar apararaq onlara şəfa
verdilər. Türkiyə səhiyyə nazirinin müavini Emin Təkəli demişdi:
“Birgə iş mütləq davam etdirilməlidir. Bu dəfə bizdə,
Türkiyədə ikinci Türkiyə – Azərbaycan simpoziumunun keçirilməsi
növbəti addım ola bilər”. Azərbaycan səhiyyə naziri