Müstəqillik dövründə Azərbaycan-Türkiyə əlaqələrinin kulturoloji ...

16
__________Milli Kitabxana__________
olunan mövzuya dair maraqlı məlumatlara rast gəlmək
mümkündür.
Azərbaycan – Türkiyə əlaqələrinin müxtəlif aspektləri Türkiyədə
də ciddi təhlil və tədqiq obyektinə çevrilmişdir. Belə ki,
İbrahim Bozyelin hələ Azərbaycanın müstəqillik qazanmasından
öncə yazdığı “Azerbaycan diyarından seyahat notları” adlı
kitabında müəllif Azərbaycana səyahəti haqqında təəssüratlarını
yazır, ölkəmizin müxtəlif bölgələrinin mədəniyyət abidələri,
tarixi yerləri və görkəmli elm, mədəniyyət və sənət adamları
haqqında fikirlərini bölüşür (135).
Ali Kafkasyalı “Kafkaslardan gələn əzan səsləri” kitabına
yazdığı ön sözdə əsərin məqsədini açıqlayaraq bildirir ki, “Atalarımızın
əzan səsləri, ilahi nəğmələri, mehtər musiqisi, elmi,
imanı, ağlı ilə qoruduğu türk yurdlarında inancımızın, türk əxlaqının,
türk törəsinin təməllrini oluşduran dini, milli, sənət
əsərləri ən kiçik nöqtəsi ihmal – başı soyuqluq etmədən gənclərimizə
çatdırılmalıdır”. Kitabda gedən yazılar “Kafkaslardan
gelen ezan sesleri” başlığı altında “Tərcüman” qəzetində (03-
12 aprel 1991-ci il tarixlərində) çap edilmişdir (140).
Mehmet Saray “Azerbaycan türkleri tarihi” kitabında elm
və təhsil sahəsindəki məsələlərə toxunmuş və dövlətlər arasında
imzalanmış bir sıra müqavilə, protokol və razılaşma sənədlərini
təqdim etmişdir (146).
Həmçinin Bilal Şimşirin (133), Ali Arslanın (128), Betül
Aslanın (131; 132), Ocak Kemalın (142) və digər alimlərin tədqiqatlarında
mövzumuzla bağlı bir sıra problemlər öz əksini
tapmışdır.
Göründüyü kimi mədəniyyət sahəsində ölkələrimiz arasında
fəal iş gedir, bir çox alimlərimiz bi sahədə araşdırmalar
aparmış və aparmaqdadırlar. Bu araşdırmaların bir qismi mədəniyyət
siyasəti ilə əlaqədardır. Bu sahədə Azərbaycan və Türkiyənin
ali təhsil ocaqlarında, universitetlərində görülməkdə olan
diplom çalışmalarının sayı sürətlə artmaqdadır. Lakin Azərbaycan
– Türkiyə əlaqələri haqqında yazılan tədqiqatların çoxluğu-