Časopis Maćicy Serbskeje 1885

124 J. Radyserb: Jednula.Mi powěz, kajki dźiw so stał?Hdźe bě ton zwadny štom?Što čorny duch bě wucofałPřed miłym jandźelom?Bě kupił Pank tu wěcku sej,Dom, pola, skót a wšo,A připisać dał Michałej,Jom’ zdarił připismo.„Ta zwada, bohuskorženo,Mi dźowčo zhubjeni,A tebje zmota mutneho —Njech dźe nět k radosći.“„Je zawrěła so mjez namiTa hrozna hłubina —A sy šće z Hilžu w lubosći,Je slub žno wot blizka.“„Twój nan je přećel był mi ždynWot lětkow hrajkatych;Budź ty jom’ dobrodarny synDo lětow šědźiwych!“Duž Pank a Hlink tam sedźeštajNa krute zdobrjenaj,Kaž wěčnje pěknaj susodajSej prajo „haj“ a „haj“.A za hosćinu po skradźuHlink ćicho zazběže:„Tón štom mi pali wutrobu,To měj mi k dobroće.“„Sej kóždy wzawši sekeruJón dźimoj porubać,Tón pokaz na naj škerjeduTam nima dlěje stać.“„Ně, luby bratře susodźe“ —Mu Pank tu wotmołwi —„Tón štom njech stejo wostanje,A wabi k jednosći.“„Njech za naj narod přichodnyJe wěčne pokazmo,Zo hlada wšeje překoryKaž z hele wóhnja so.“„Tón štom je rěkał ZwadulaA był je k pohóršku —Nět Jednula wón rěkać maPo naju zdobrjenju.“„Hdyž Michał z lubej njewjestuSo ženi po Jenje,Njech pod tym štomom reje duZa syły kwasaŕske.“„So zaběrać ze skorženjomJe trašne činjenje,A nichtó z čiłym wobličomJuž z njeho njewuńdźe.“„Tu połnu škleńcu zběhnu jaWšěm na to připiju:„„Njech traje w Serbach jednotaKaž słónco na njebju!““A pyšne reje rejwachuTam tři dny pospochi —A kóžde lěto kermušuSo wjerća, halidri!A husle wabja k wjeseluA kózlo drišćo dźeA tarakawy juskajuA jasne pišćele.So dale zběhaj k wysoku,Ty štomje hordoznyA prěduj miłu jednotuNa wšitke přichody!