Časopis Maćicy Serbskeje 1885

Statistika hornjołužiskich Serbow pruskeho kralestwa.Zestajał dr. Ernst Muka.Podawam tu pokračowanje swojeje statistiki serbskeho naroda.Po prawom běch sebi wotmyslił, hnydom wobličenje a wopisanjecyłych hornjołužiskich Serbow — pruskich a sakskich —na dobo podać; tola widźu, zo so to njehodźi, z prěnja dokelžwšitkón material za statistiku sakskeho Serbowstwa, runjež symso wo njón hižo wjele prócował, hišće w hromadu nimam, apotom tež dokelž je mi wopisanje pruskich Hornich Serbowpod rukomaj tak přirostło, zo hižo samo cyły zešiwk pjelni.Tuž wobsahuje tutón druhi dźěl mojeje statistiki jenož wobličenjea wopisanje serbskeho naroda w pruskich Hornich Łužicach, ato po móžnosći dokładne po samsnych nazhonjenjach a přepyto¬wanjach, kaž tež po powěsćach a přinoškach serbskich přećelowa wótčincow. Přede wšěm dostach na swoje napominanje wotjenoho młodeho přećela wjele wažnych a autoptiskich zapiskow,kotrež móžach při swojim wobdźěłanju derje wužić. Wšě po¬wěsće su, wjelež je z cyła při tajkim wobćežnym a ze wšelakimizadźěwkami zwjazanym dźěle móžno, authentiske a prawdźiwe;je-li pak tola hdźe žadyn zmylk, njech je kóždy čitaŕ a sudźeŕpřeswědčeny, zo sym bona fide ac sine studio pisał, a njech mipřećelnje poprawjenje a porjedźenje pósćele, zo bych jo móhłna kóncu swojeho dźěła w dodawku woćišćeć. Njewěrju wšak, zobudźe toho wjele, dokelž sym wšudźe, hdźež so mi něšto nje¬wěste abo njeprawe zdaše, so dwójcy a trójcy ze wšej prócu hačna wěstosć wobhonjował. Jeno škoda, zo su někotři, na kotrychžběch nuzowany so wobroćić, mi pak njedospołne powěsće podali