Časopis Maćicy Serbskeje 1885

84 Dr. E. Muka:derje serbscy rozumja; jenož knjez wučeŕ praješe: „Dołho tu sym,ale nawuknuć serbski njejsym ničo móhł.“ Dwě měšanej mandź.tam staj, dźěći rěča němski a serbski. Ludźo su jara přećelniwia dobroćiwi. Wučeŕ smě sebi, kaž powědaše, darmo na burskichpolach běrny kopać; hdyž pak dwójcy na jenym sebi kopa. jemuto susod skoro za zło wozmje so prašejo, čehodla dha tola najeho běrnišćo přińć njecha. Hdyž ludźo khlěb pjeku, dostanjewučeŕ swoju pokrutu mjehkeho a hdyž swinjo rězaju, wulku koł¬basu! Tam je hišće derje z wučerjom być! — Wjeska: Tu sujenož 3 rodź. N., mjez nimi wučeŕ. Serbja z cyła wjele němskinjerozumja, su dospołnje serbscy. — Zagoŕ: Wot tudomnych13 rodź. N. rozumja 6 serbski; Serbja doma a wonkach serbuja;3 měšane swójby, we nich staršej němscy, dźěći serbscy rěča. —Skarbišojce: Mjez 236 wob. móža wšitcy 27 N. serbscy; Serbjarěča stajnje serbski; 2 měšan. mandź., staršej powědataj mjezsobu němski; w korčmje rěči so serbski, druhdy tež z Němcaminěmski. — Spalene je dospołnje serbska wjeska z 86 wob., su¬sodna a do samsneje gmejny słušaca Nowa Wjeska ma 10 rodź.Němcow, mjezy hajnika a korčmarja. — Hola abo Góla a Kutystaj do čista serbskej wsy. — Wuskidź je wot 1880—84 wo20 dušow wotebrała, najskerje přez to, zo je Mužakowske knjej¬stwo 7 burskich kubłow pokupiło; wot 16 N. dźěłaćerjow naknježim fórbarku, móže połojca serbski; Serbja jeno serbuja, ato tež při zjawnych zabawach. — Krušwica: Serbja su ratarjoa rěča stajnje serbski, Němcy su dźěłaćerjo we wulkej patent¬fabricy, kiž z jiła kriwe roły dźěła; někotři z nich rozumjaserbski; měš. mandź. dźěći rěča serbski. — Běła Woda a Kijstaj w holi a pěsku ležacej wulkej fabrikskej wsy. W BěłejWodźe je blizko dwórnišća w nowišim času wobšěrna fabrikskawjes nastała, kiž ma nimale kosmopolitiskeho razu: sydla, dźě¬łaju a wikuju tam nimo mnohich Němcow a Serbow, wšelacyČeša a Polacy a 5 Židźa (wobsedźeŕ brunicowych podkopkow).Stara burska wjes Běła Woda je serbska wostała, dokelž mjezwoběmaj wjele wobkhada njeje, khiba druhdy w mnohich korč¬mach; w tej wsy je 98 serbskich hospodaŕstwow z 457 du¬šemi a 7 němskich z 30 dušemi; tući Němcy pak móža ni¬male wšitcy tež serbski; w fabrikach a podkopkach je 713 ludźi,