Actas da - Xunta de Galicia

A lingua galega nos comezos do novo milenio
Gráfico 1. Lingua habitual en Galicia e lingua do persoal
da Administración en Galicia o no seu traballo. MSG-92
L. habit en Galicia e l. do persoal da Admón. no traballo
40
30
20
10
0
Só castelán Máis castelán Máis galego Só galego
Total Galicia 10,8 20,8 29,9 38,7
Persoal da Admón. 18,2 35,9 29,9 16
Total Galicia Persoal da Admón.
En segundo lugar, importa subliñar que a distribución no traballo (moi semellante
á do uso habitual) varía coa categoría do interlocutor. Cos superiores
xerárquicos aumenta o monolingüísmo en castelán ata o 38,4% (+22,5 puntos)
en prexuízo dos usos bilingües que decaen en 24,1 puntos. Cos compañeiros de
traballo medran os usos monolingües tanto do galego (9,2 puntos) coma o do
castelán (9 puntos).
No relativo á implantación do galego nestes ámbitos destaca, como queda
dito, a mellora da variedade escrita, pero parece deficitaria no emprego da oral.
As consecuencias desde desaxuste son importantes: por unha banda, a variedade
escrita, ó ter unha consideración superior contribúe á dignificación do
idioma e a fixación dun estándar; pero por outra, cando eclipsa ó uso oral acaba
reforzando a esfera da formalidade co risco de transmitir unha imaxe de ritualidade
no uso lingüístico, percepción pouco favorable para o desenvolvemento
natural de calquera lingua. Así pois, un dos labores que se debería afrontar é o
de promove-los usos orais, procurando que o emprego do galego amose unha
face de maior naturalidade e espontaneidade. Parecería menos artificioso e no
administrado quedaría a sensación de se-lo vehículo de comunicación habitual
na súa Administración. Potenciar e xeneralizar todos estes factores no ámbito
das administracións Autonómica e Local contribuiría a que o cidadán asociase
o emprego da lingua a sectores que simbolizan a identidade galega e nos que en
boa medida se debe sentir representado.
1.2. Algo sobre o sistema educativo, outro dos centros da normalización
Hai máis de vinte anos que a Administración autonómica galega (AAG) lle
confiou á escola a tarefa de forma-lo alumnado no idioma propio do país, con-
— 131 —