Actas da - Xunta de Galicia

A lingua checa como lingua e cultura estranxeira. Enfoque
pluridisciplinario
Kateina Vlasáková
Instituto de Idiomas da Universidade de Santiago de Compostela
Estimados colegas, benqueridos amigos:
Antes de inscribirme na presente conferencia internacional, dubidei sobre a
conveniencia de participar cunha comunicación centrada na problemática da
lingua checa, xa que os seus falantes posúen un estado propio. Pero non sempre
foi así. Lembrémo-la situación no imperio austrohúngaro ou a convivencia dos
checos, eslovacos e distintas minorías na Primeira República checoslovaca
creada ó termo da Primeira Guerra Mundial no ano 1918. Ademais, na Europa
que se está construíndo actualmente, tódalas linguas convivirán nun amplo
marco común. Desde este punto de vista, o checo, o galego e o danés, por
exemplo, sempre terán máis aspectos coincidentes cós diferenciadores que se
lles poden adxudicar por vías administrativas.
Os falantes de checo no mundo
A lingua checa é falada por, aproximadamente, dez millóns de habitantes na
República Checa e por máis dun millón de residentes checos noutros países do
mundo (en Eslovaquia, Austria, Alemaña, Polonia, Hungría, etc.). A
comunidade checa máis grande atópase nos Estados Unidos de América, onde
se asentou nos principios do século XVII e onde conta, segundo as testemuñas
da época, con moi boa reputación. En 1642, por exemplo, Jan Amos Komenský
(Comenius 115 ) foi proposto oficialmente para o cargo de rector da universidade
de Harvard.
A docencia de checo no estranxeiro
Segundo os últimos datos do Ministerio de Educación, Xuventude e Deportes
da República Checa, existen corenta lectorados oficiais situados en
universidades de vinte países estranxeiros. Non soamente a distancia xeográfica
entre o reino de España e a República Checa, senón diversos factores sociopolíticos
motivaron a escasa implantación de estudios de lingua checa nas
universidades das dezasete comunidades autónomas españolas. Mentres que en
países como Alemaña, Austria, Inglaterra pero tamén Italia e Francia se
fundaron no transcurso do século pasado unha media de catro lectorados de
lingua checa por país, os acordos oficiais entre as institucións e universidades
115
Comenius – nome latinizado de Jan Amos Komenský (1592-1670), humanista, filósofo e
pedagogo checo.
— 629 —