Actas da - Xunta de Galicia

A tecnoloxía informática e o ensino de linguas
Pilar Buela
IES Valga
Oimpacto que a tecnoloxía informática está tendo sobre a educación constitúe
xa unha realidade. Pechar os ollos e darlle as costas a esa realidade sería,
aínda que unha postura posible, sen dúbida unha postura suicida. Postura equivocada
non só porque contribuiría a abrir unha vez máis unha fenda profunda
entre escola e sociedade nun momento no que se nos pide que fagamos unha
pedagoxía baseada en contidos significativos, observables no tempo e espacio
inmediatos dos alumnos, senón tamén porque nos estariamos privando a nós
mesmos dun medio que pode proporcionar indubidables avantaxes ó campo da
educación.
A clave para que nos poidamos aproveitar verdadeiramente dos seus beneficios
está, ó noso entender, en asumir o risco dunha auténtica integración no sistema
educativo, atopar o lugar que lle corresponde a esta tecnoloxía e acomodala
dentro dese sistema sen que se resintan os demais elementos que o contitúen.
Falamos de risco porque, como toda innovación educativa, precisa dunha
difícil fase de acomodación e asunción por parte do colectivo afectado; pero
aínda así cremos firmemente que a integración da tecnoloxía informática nas
aulas é unha necesidade para un ensino que se queira chamar de calidade.
Compartindo esta convicción de partida resulta evidente que se require unha
reflexión e análise previas de cómo se podería dar este paso, tendo en conta cál
é a conxuntura actual e as circunstancias que concorren no mundo da educación.
Especial atención, como é lóxico, vainos merecer a integración da tecnoloxía
informática no ámbito do ensino de linguas e, dentro deste campo, a situación
na que se atopa a lingua galega.
Optaremos por unha exposición que analice esta complexa problemática
dende un ámbito xeral e vaia descendo progresivamente cara a situacións concretas.
É obvio que dado o espacio do que dispoñemos non se trata tanto de facer
grandes disquisicións teóricas como de expoñer dun xeito organizado e sintético
cáles son os factores fundamentais que os profesores de secundaria debemos
ter en conta á hora de decidir introducir o emprego desta tecnoloxía nas nosas
aulas.
Comezaremos pola reflexión sobre o contexto en que esa integración se produce,
entendendo por tal a situación social e educativa na que nos atopamos e
seleccionando desa realidade o comentario daqueles factores ós que máis atención
deberiamos prestar por gardar relación directa co papel que a tecnoloxía informática
tería que desempeñar no ámbito do ensino. Desde esta perspectiva
queremos facer notar en primeiro lugar que existen unha serie de esixencias so-
— 227 —