Actas da - Xunta de Galicia

Avaliación e intervención en prácticas educativas: segunda fase
ensino e aprendizaxe escolar. Neste apartado recóllese, por último, información
sobre as capacidades que se consideran destacables no grupo clase e a
manifestación da percepción que se ten sobre os intereses que poden dirixi-las
accións do alumnado e as limitacións no proceso de ensino-aprendizaxe.
O último bloque, como xa se mencionou antes, é o relacionado coa
implicación dos pais e nais na educación escolar e, en concreto, a participación
que estes teñen nas tarefas e actividades educativas.
2. Avaliación inicial e final dos nenos e nenas
Realízase a avaliación en dous tempos para obter información sobre as
diferencias encontradas con respecto ós aspectos de forma, contido e uso da
linguaxe, que se relacionarán coas diferentes intervencións educativas de cada
unha das aulas. Isto permite o deseño posterior dunhas propostas orientativas
xerais e dun programa no que, seguindo as hipóteses de partida do proxecto, o
traballo da linguaxe a través dunha segunda lingua, repercuta por un lado, nun
enriquecemento intelectual e persoal e, polo outro, en asegurar e posibilitar un
maior sostén á linguaxe xa adquirida.
3. Reunións informativas cos pais e nais dos alumnos e alumnas daquelas
aulas nas que a profesora estime conveniente telas
A información ós pais e nais xoga un papel importante no noso proxecto, xa
que redunda na optimización dos medios para obter un desenvolvemento
adecuado na linguaxe e supera-los conflictos e contradiccións que, ás veces,
poden estar a producirse entre o ensino familiar e o escolar. Aínda que tódalas
mestras consideran como importante a participación dos pais e das nais na
educación dos seus fillos e fillas, algunhas consideran como fundamental e
necesario para unha boa introducción da segunda lingua non só realizar unha
reunión con eles e elas para que sexan informados e na que se lles pida a súa
colaboración, senón que a esta acuda o equipo investigador para que ofreza
unha visión experta do beneficio que o dominio de varias linguas pode ter nos
nenos e nenas, así como a influencia que o contorno familiar, xunto co escolar e
o académico, ten nese proceso de adquisición.
4. Asesoramento e orientacións psicopedagóxicas no ensino/aprendizaxe
das dúas linguas
Froito da análise bibliográfica e experiencial sobre estudios, actividades e
investigacións realizada na primeira fase do proxecto, elabóranse unhas
orientacións psicopedagóxicas que se lles ofrecen ás mestras para que a
ensinanza dunha segunda lingua se converta na procura dunha ensinanza nas
dúas linguas, sempre baixo o obxectivo xeral de potenciar e optimiza-lo
desenvolvemento pleno dos nenos e nenas, evitando situacións que poidan non
— 375 —