Actas da - Xunta de Galicia

M. Baña Castro / R.Mª García Suárez / M. Salcines Martínez
favorecer, na súa mellor medida, o seu desenvolvemento futuro. Algunhas delas
son:
• Debido ás idades dos nenos e nenas nos que se introduce unha segunda
lingua é importante asegurar un asentamento e desenvolvemento adecuado
da primeira, traballándose de forma progresiva a segunda.
• Repartimento coidadoso da presencia das linguas na instrucción xa que,
tendo en conta criterios como por exemplo: o tempo, a metodoloxía e as
materias, pódense establecer diferentes propostas como as de introducción
en fases, método concorrente, etc.
• O xogo é unha boa actividade para comezar a introduci-la segunda lingua,
aínda que hai que tender paulatinamente á súa utilización como lingua
vehicular para os diferentes contidos do currículo.
• Os obxectivos básicos do proxecto lingüístico estarán integrados no PEC e
concretaranse coas actuacións e liñas de traballo recollidas no PCC.
• Os coñecementos previos serán a base para as novas aprendizaxes
lingüísticas.
• Partindo da idea de que a mellor forma de aprender unha lingua é usándoa,
os espacios para a comunicación vólvense claramente esenciais.
• O profesorado para levar a cabo a ensinanza dunha segunda lingua debe
contar cunha variedade de recursos persoais, estratéxicos e materiais. As
actividades realizadas tamén na segunda fase desta investigación e que se
explican nos seguintes puntos, fan referencia a este aspecto.
5. Dotación de medios
Como resultado da demanda que as mestras colaboradoras lle manifestan ó
equipo investigador con motivo da necesidade de recursos lingüísticos, sobre
todo, polo que fai referencia ás vías net, debido ó grande aumento de conexións
a internet que se estableceron en moitos centros, elabórase e difúndese unha
Guía de Recursos Educativos tanto en material impreso como en disco de 3½.
Aproveitando a situación, inclúense nela tamén os recursos educativos
analizados e obtidos polo equipo de investigación por vías diferentes ás de
internet. Ademais de propoñer un apartado de recursos específicos destinados ó
profesorado, segundo as diferentes necesidades, ofrécenselles referencias
bibliográficas sobre determinadas obras que lles poden axudar a formarse máis
exhaustivamente en todo o relativo á relación entre cultura-pensamentolinguaxe
e á adquisición das linguas. Sucede tamén que á argumentación
dalgunhas mestras sobre a falta de recursos en lingua galega que existe no seu
centro, o equipo de investigación trata de lle dar solución con materiais diversos
como son: CD de música, libros de actividades...
— 376 —