Actas da - Xunta de Galicia

M. Baña Castro / R.Mª García Suárez / M. Salcines Martínez
favorece-la motivación do alumnado de cara ás tarefas, provocando máis
cantidade, significatividade e posibilidade de transferencia das aprendizaxes.
Partindo destes principios e tendo en conta a conexión, cada vez máis
xeneralizada, dos centros educativos ás vías net, levouse a cabo a procura,
selección e recompilación dalgúns dos moitos enderezos nos que o profesorado
dispón dunha gran diversidade de recursos de moito interese para a súa tarefa
docente.
Co obxectivo de facilitar unha busca rápida e eficaz, distribuíronse os
diferentes enderezos segundo diversas categorías, dando lugar a clasificacións
en función do nivel educativo ó que están dirixidas, segundo as áreas de
contidos que se traballen e por tipoloxías de recursos máis específicos.
A continuación, preséntase unha síntese da guía orixinal, na que, debido ás
limitacións de espacio actuais, temos tamén que facer unha nova subdivisión
dos enderezos en tres grupos, presentados mediante cadros no Anexo I, a través
dos que se pode acceder tanto a recursos educativos en lingua galega (cadro1) e
noutras linguas (cadro2), como a diversos materiais de grande utilidade para o
profesorado (cadro3).
2. Recursos educativos non internet
Neste apartado recóllense algúns dos recursos que distintas institucións
públicas ofrecen por vías diferentes á de internet. A división faise en dous
grandes bloques: o primeiro é o que engloba varias das propostas educativas
recollidas no Programa Educativo do Concello da Coruña 26 para o ano 2000-
2001; mentres o segundo, fai referencia ás actividades que as bibliotecas tanto
do Concello como da Deputación da Coruña realizan.
2.1. Programa Aprender na Coruña
Aínda que os destinatarios principais deste programa son os alumnos e
alumnas do municipio, con independencia da titularidade xurídica dos centros
educativos nos que cursen os seus estudios, este colectivo amplíase, como se
recolle na descrición xeral do programa:
En el caso de que la disponibilidad de plazas lo permita, los programas
están también abiertos a los centros educativos de la Mancomunidad de
Municipios de La Coruña en las mismas condiciones. Los centros
educativos de fuera de esta Mancomunidad pueden también acceder a
estos programas cuando queden plazas disponibles.
Neste programa concrétanse unha serie de subprogramas como: Descubri-las
linguas, Descubri-los libros, Descubri-la informática, Descubrir A Coruña,
Descubri-la música, Descubri-lo teatro, Descubri-lo ocio e Descubri-la
26 Concello da Coruña (2000) Programa Aprender na Coruña. Curso 2000-2001. nº 12 –
Setembro 2000. A Coruña: Servicio Municipal de Educación do Concello da Coruña.
— 380 —