Actas da - Xunta de Galicia

CONCLUSIÓNS
Ó longo de tres días de análise da realidade das linguas en distintos países, a
problemática xurdida e as solucións achegadas son tan ricas e variadas como
diversas son as comunidades e países que as falan. Pero cómpre que esta
diversidade e pluralidade a tratemos de simplificar nalgúns puntos que en maior
ou menor medida foron obxecto de debate nas diferentes sesións.
1. Púxose de manifesto a existencia dunha notable diferencia duns Estados
a outros no recoñecemento dos dereitos lingüísticos das minorías. Constatouse,
igualmente, que no conxunto da Europa Comunitaria o Estado español está
dentro do grupo dos máis avanzados no recoñecemento destes dereitos.
2. Insistiuse na necesidade de incrementa-lo intercambio de información
de ideas e de programas entre as distintas minorías lingüísticas.
3. É necesaria unha actuación decidida na planificación do corpus destas
linguas, fundamentalmente no campo terminolóxico, para garanti-la preservación
da súa identidade e para dotalas dos medios suficientes para cubri-las
necesidades expresivas da sociedade tecnolóxica do futuro.
4. Tendo en conta os cambios que se aveciñan na automatización dos
sistemas de comunicación e de información, considérase imprescindible un
forte investimento nas novas tecnoloxías. As linguas que non desenvolvan nun
prazo curto de tempo sistemas de traducción automática, de síntese e
recoñecemento de voz, de diálogo home-máquina, dificilmente poderán competir
e teñen un futuro moi escuro.
5. Dada esta importancia das novas tecnoloxías, estas deben incorporarse
con tódalas súas posibilidades no ensino/aprendizaxe das linguas.
6. Igualmente, considérase conveniente a adecuación dos sistemas
tradicionais de ensino ás novas realidades sociais, laborais, etc., así como a
incorporación de novos enfoques coma a autoaprendizaxe.
7. As linguas apréndense integradas no currículo dos alumnos,
vinculándoas sempre con contidos étnicos, culturais, literarios, afectivos, etc.
8. As linguas non son un obstáculo que impida un óptimo rendemento do
alumnado (factor ó que os pais e a familia conceden un papel relevante). Os
resultados da
dainvestigación demostran que o ensino bilingüe xera iguais ou
mellores resultados.
— 657 —