Actas da - Xunta de Galicia

Manuel González González et al.
abertura das vocais tónicas de grado medio /e/ e /o/. As liñas entoativas
presentaban coincidencias con GI e diferencias apreciables con GT e CC.
Coa finalidade de asegurarnos de que as gravacións enmascaradas reflectían
fielmente as modalidades lingüísticas manipuladas sobre a base do acento, e que
eran percibidas como semellantes noutras dimensións lingüísticas e
comunicativas relevantes (Cargile / Giles / Ryan / Bradac 1994; Cargile / Giles
1997) no estudio das actitudes lingüísticas (i.e., “nivel de complexidade do
vocabulario”, “rapidez coa que se expresa” e procedencia xeográfica dos
falantes), contrastamos que tan só se percibían diferencias significativas no que
se refire ó acento dos falantes.
Os estudiantes foron informados de que os concursantes que ían avaliar
debían tratar de construír en 15 segundos o maior número posible de oracións
que expresaran calidades ou actividades relacionadas cun obxecto ou fenómeno
determinado. Nesta exploración tódolos “concursantes” respondían con relación
a características ou actividades propias do “inverno”. Este tópico discursivo
cremos que é un dos que mellor cumpren os requisitos de: a) neutralidade
temática, b) universalidade no que respecta a contextos lingüísticos de uso e c)
tópico temático non asociado á caracterización social dos falantes. As voces
enmascaradas e de recheo emitían o mesmo número de respostas, catro os
primeiros e tres os segundos.
Os suxeitos enmascarados responden con enunciados equivalentes en canto á
temática, estructura semántica, cantidade de producción, complexidade
gramatical e estilo en tódalas modalidades de lingua-acento.
Ós suxeitos entregóuselles un cuestionario en formato bilingüe para puntuar
cada unha das voces que ían escoitar. No cuestionario presentábanse ítems
formulados como preguntas do tipo “Paréceche...” e referidas a 17
características persoais unipolares (intelixente, simpática, culta, atractiva
fisicamente, digna de confianza, que ten sentido do humor, que ten interese en
progresar, aberta, que ten confianza en si mesma, que acepta novos usos e
costumes, xenerosa, capaz de dirixir, divertida, traballadora, orgullosa, fiel). O
cuestionario, ó igual que os empregados tradicionalmente (Lambert / Hodgson /
Gardner / Fillebaum 1960; Woolard 1989, 1992), está construído a partir de
escalas de reactivo independente de seis puntos que van de “moito” a “moi
pouco”.
3. Resultados
Unha vez obtidas as 17 puntuacións outorgadas por cada suxeito a cada unha
das catro modalidades lingüísticas empregadas por ámbolos dous falantes
(home e muller), o noso obxectivo foi obter un conxunto reducido de escalas
que incorporasen a maior parte da información presente nas 17 escalas orixinais
e que, asemade, reflectisen as diferencias entre modalidades lingüísticas e/ou
— 482 —