Actas da - Xunta de Galicia

— 146 —
Modesto Aníbal Rodríguez Neira
Sendo a escola non só o segundo medio de transmisión do galego á xuventude
urbana, senón o único crecente, cómpre contar con ela porque quizais é
onde se decida unha boa parte do porvir da lingua, pero require acomodarse ás
necesidades comunicativas de cada día. Os argumentos son incontestables:
acolle ós sectores máis novos da sociedade, (e xa que logo con maior futuro) e
está emprazada en núcleos moi dinámicos que reúnen xa a maior parte da poboación
ou inciden en grandes áreas. A escola, non só pode educar no respecto
polas linguas e na singularidade e importancia do propio, senón que debería facelo
cara a vida. Para iso, a súa grande achega consiste en promover modelos
afíns á adquisición natural da lingua na familia, xa que esta parece delegar no
ensino. A vitalidade da lingua non será a mesma que se se aprendese espontaneamente,
pero, en calquera caso, sempre melloraría un estudio formal, regrado
e limitado, aínda que necesario, de escasa aplicación na vida cotiá.
Non quero remata-la miña exposición sen abrir unha fiestra ó horizonte. Do
dito podería quedar unha idea de desazo porque a normalización da lingua debe
superar aínda obstáculos fortes e importantes. Sen embargo, o apoio institucional,
a ampla base demográfica na que se sustenta o idioma, a formación da
xuventude e o labor diario de tantas xentes que traballan por el constitúen a
mellor esperanza de futuro.
Fontes e referencias bibliográficas
Bouzada Fernández, X. M. / Lorenzo Suárez, A. M. (1997): O futuro da lingua.
Elementos sociolingüísticos para un achegamento prospectivo da lingua
galega. Santiago de Compostela: Consello da cultura galega.
Compañía de Radio-Televisión de Galicia (1988): Principios xerais da programación.
Santiago de Compostela: CRTVG.
Consello Escolar de Galicia (CEG) (2000): A educación primaria na comunidade
autónoma galega. Santiago de Compostela: Xunta de Galicia.
Fernández, M. (1993): "La lengua materna en los espacios urbanos gallegos", in
Sociolinguistique galicienne [Plurilinguismes, 6]. CERPL. 27-53
Fernández Rodríguez, M. A. / Rodríguez Neira, M. (coords.) (1994): Lingua
inicial e competencia lingüística en Galicia, [Compendio do I volume do
Mapa Sociolingüístico de Galicia (MSG)]. A Coruña: Real Academia
Galega.
Fernández Rodríguez, M. A. / Rodríguez Neira, M. (coords.) (1995): Usos
lingüísticos en Galicia, [Compendio do II volume do Mapa Sociolingüístico
de Galicia (MSG)]. A Coruña: Real Academia Galega.
Fernández Rodríguez, M. A. / Rodríguez Neira, M. (coords.) (1996): Actitudes
lingüísticas en Galicia, [Compendio do III volume do Mapa Sociolingüístico
de Galicia (MSG)]. A Coruña: Real Academia Galega.