Actas da - Xunta de Galicia

Políticas lingüísticas e educativas en Galicia
Xesús P. González Moreiras
Director Xeral de Política Lingüística
Como anfitrión, estou obrigado, antes de nada, a agradecerlles, ademais de
forma moi sincera, ós señores Xabier Aizpurua, Josep Felip, Lluis Jou, Joan
Melià ePedro Pegenaute asúa presencia na VIII Conferencia Internacional de
Linguas Minoritarias. Aínda que poida soar a inmodestia, creo que o feito de
conseguir xuntar nunha mesma mesa ós responsables da Política Lingüística da
totalidade das comunidades autónomas do Estado español con lingua propia recoñecida
oficialmente constitúe en si un gran logro, logro que foi posible gracias
á xentileza de todos eles.
Entrando xa en materia, cómpre dicir que o marco lexislativo xeral no que
desenvolven as comunidades autónomas aquí representadas as súas respectivas
Políticas Lingüísticas é, en esencia, o mesmo. É sabido que os dereitos lingüísticos
fundamentais aparecen recollidos tanto na Constitución Española coma
nos diferentes estatutos de autonomía e leis de normalización lingüística. As diferencias
comezan a facerse perceptibles, sen embargo, nos distintos textos
lexislativos que os perfilan e concretan. En calquera caso, creo que non me
equivoco se digo que todos eles, malia as diferencias ás que aludía e que aquí
quedarán expostas, perseguen un idéntico e común obxectivo: logra-la normalización
lingüística de cadansúa comunidade.
Hoxe está plenamente aceptado que unha das axencias primarias de reproducción
(enténdase transmisión xeracional) e producción (enténdase incorporación
de novos falantes) lingüísticas é a educación. Conscientes diso, tódolos
responsables da normalización lingüística, sexan de aquí ou de alá, interveñen
ou participan, dunha ou doutra forma, no deseño dos sistemas educativos implantados,
a través da incorporación das ferramentas xurídicas e normalizadoras
consideradas como necesarias para a consecución de dito fin. En Galicia, o noso
referente máis inmediato é o Decreto 247/95, modificado parcialmente polo Decreto
66/1997, no que se regulan o uso do galego no ensino e na administración
educativa. Con el preténdese garantir que, ó remate dos ciclos en que o ensino
do galego é obrigatorio, os alumnos coñezan este, nos seus niveis oral e escrito,
en igualdade co castelán.
É indubidable que este obxectivo primeiro, o da competencia lingüística, se
logrou case plenamente.
Entenden Falan Len Escriben
M.S.G. (1993) 97,1% 86,4% 45,9% 27,1%
CIS (1998) 98% 89,4% 68,4% 52,9%
— 265 —