Actas da - Xunta de Galicia

A lingua checa como lingua e cultura estranxeira. Enfoque pluridisciplinario
No ano seguinte, formáronse grupos mixtos de estudiantes checos do programa
europeo Erasmus e galegos, establecendo o intercambio lingüístico. Conxuntamente
traduciron a poesía de Rafa Villar do galego ó checo.
Participando nos proxectos, os alumnos teñen a posibilidade de empregar e
de practica-los seus coñecementos no mesmo proceso de aprendizaxe, que se
acelera considerablemente. Dado que non abondan os materiais destinados ós
hispanofalantes ou galegofalantes que estudian a lingua checa, gracias ó traballo
dos nosos alumnos, o departamento posúe cada vez máis variado material para o
uso dos estudiantes.
Ófinal do curso pasado o departamento de lingua e cultura checa presentou o
proxecto titulado Recursos na web para os estudiantes galegos/españois de
lingua e cultura checa do INID da USC, que foi aprobado para o presente curso
no marco da convocatoria de proxectos de innovación educativa e de
actividades de formación de PAS da USC. Este proxecto céntrase na
elaboración de materiais con axuda das novas tecnoloxías. En internet existen
algúns recursos de apoio para a aprendizaxe de checo pero non son plenamente
satisfactorios, xa que teñen en conta sobre todo os falantes en inglés. Pese á
clara necesidade e ó interese dos alumnos, o seu reducido número en
comparación con outras linguas máis demandadas obstaculiza a publicación
comercial de materiais dedicados ó ensino dunha lingua con características do
checo. Por este motivo, considerámo-la posibilidade de facilita-lo acceso a
algúns materiais de apoio para a aprendizaxe desta lingua a través de internet
como unha excelente opción. Con este proxecto, tamén se persegue motiva-los
alumnos para que sigan implicándose no desenvolvemento dos materiais útiles e
estimulantes, así como brindárlle-la oportunidade de aplica-los seus
coñecementos en proxectos concretos, como no caso das traduccións.
Paralelamente, esperamos promove-la aprendizaxe da lingua checa como unha
actividade agradable e participativa. Dada a versatilidade e a accesibilidade
xeral dos materiais introducidos en internet, con este proxecto, mediante a
creación dos materiais bilingües, tamén pretendemos promove-lo galego e o
castelán entre os checofalantes.
E para non pecharse no marco da propia sección, iniciouse o proxecto
denominado Breve guía de Santiago de Compostela para turistas checofalantes,
que ten como obxectivo paliar no mercado a enorme escaseza de guías en checo
actualizadas sobre esta cidade.
Tódolos proxectos dos que falabamos ata agora, dunha forma ou doutra,
perseguen potencia-lo emprego dos recursos didácticos que propicien unha
ensinanza máis activa e motivadora, aínda que, nunha gran medida, dirixida e
coordinada polo profesor.
O último proxecto do que falaremos é a creación dun espacio de
autoaprendizaxe no centro de recursos do INID da USC. Os principais
— 633 —