Actas da - Xunta de Galicia

1. O servicio de consultas
Mª del Pilar Alvariño Alvariño et al.
1.1. Descrición do servicio
O contacto con Termigal faise por vía telefónica (981542653), por fax
(981542553) ou por correo electrónico (termigal@cirp.es). O servicio ocúpase
fundamentalmente das consultas sobre terminoloxía científico-técnica, pero a
realidade das consultas vai moito máis alá da terminoloxía referida ás linguas de
especialidade, pois tamén se reciben preguntas sobre tódalas áreas do saber e da
actividade humana, debido, fundamentalmente, a que o usuario non atopa nos
repertorios lexicográficos xerais de galego certos termos do léxico común manexados
habitualmente partindo dunha forma castelá moi estendida (cubito de
hielo / pedra de xeo...). Neste mesmo senso, tamén resolvemos consultas gramaticais,
fórmulas de cortesía, especialmente na linguaxe administrativa, toponímicas,
etc.
1.2. Tipo de usuarios
Recibimos consultas de traductores doutras linguas ó galego, profesionais
dos medios de comunicación, funcionarios da administración autonómica,
profesores e especialistas de distintas áreas do saber. Consideramos importante
atende-las demandas destes sectores xa que “(...) a terminoloxía é a base da comunicación
entre profesionais” (Cabré 1999: 298) e a existencia dunha terminoloxía
estandarizada en galego é básica para o prestixio do galego como lingua
vehicular da comunicación especializada.
1.3. Tipo de consultas. Modalidade. Ficha
En canto ás motivacións das consultas, a maioría das veces o usuario parte
dun termo que coñece en castelán e procura expresar en galego, falariamos polo
tanto de problemas de equivalencias máis que da existencia dun concepto novo
ó que se lle quere dar unha denominación.
Noutras ocasións, o usuario chama para corroborar termos, supostamente,
galegos, e que estudiamos para, ó final, valida-la proposta de quen chamou ou
rexeitala e ofrecerlle outra alternativa tralo estudio pertinente.
Cada unha destas consultas convértese nunha ficha terminolóxica. Estas fichas
almacénanse nunha base de datos que estará na rede proximamente.
1.4. Documentación
Pero, antes de chegar a este estadio da cuestión, cómpre salienta-las ferramentas
empregadas para alcanza-la proposta final. Logo de tomar nota da consulta
ponse en funcionamento o proceso de documentación do termo e do seu
ámbito de uso. Así pois, se existe unha proposta en galego desde o principio
acudimos ó VOLG para certifica-la existencia do termo dentro da norma e, pos-
— 346 —