Actas da - Xunta de Galicia

Miguel Anxo Santos Rego et al.
Por último, a pesares de que o castelán segue a se-lo idioma que máis empregan
os nenos e nenas enquisados para dirixirse a outras persoas do centro escolar, o
certo é que nos centros privados e nos privados concertados é onde o seu uso se
xeneraliza á maioría dos escolares que asisten a estes centros, mentres que na rede
pública preto da metade empregan de forma habitual o galego.
En resumo, os alumnos de 6º curso de Educación Primaria, manifestan falar
maioritariamente o castelán, tanto no contexto familiar coma nas relacións
interpersoais e de docencia establecidas no marco escolar. Pola contra, a
porcentaxe no uso do idioma en función da titularidade do centro no que cursan os
seus estudios é diferente.
Conclusións
Sabemos da importancia que ten o ensino primario no proceso de normalización
dun idioma, xa que é nesta etapa onde é preciso extrema-lo coidado dos usos
lingüísticos, ademais de incidir na formación ou cambio de actitudes sobre a
lingua, tanto no ensino directo, na comunicación interpersoal entre os distintos
sectores, como na relación coa comunidade.
No caso dos alumnos do estudio, a situación semella un tanto descorazonadora:
mentres o castelán como lingua materna supera en dez puntos ó idioma galego,
estas diferencias acentúanse no contexto educativo, pois os estudiantes manifestan
falar normalmente en castelán cos seus compañeiros, cos seus profesores, e mesmo
cando se dirixen a outras persoas do centro escolar, superando en máis de vinte
puntos ó emprego da lingua galega.
Constátase, neste estudio, un maior uso do galego nos centros públicos de
primaria que nos de titularidade privada. Aínda que as razóns se sitúen no
meirande influxo negativo sobre a lingua galega dos contornos urbanos, ponse de
manifesto a necesidade da planificación, coas medidas oportunas e o cumprimento
das normas previstas, a fin de poder contar con indicadores periódicos e fiables da
situación pola que atravesa a lingua galega dentro e fóra do sistema educativo.
Bibliografía
Cummins, J. (1999): “Alternative Paradigms in Bilingual Education Research:
Does Theory Have a Place?”. Educational Researcher, 28, 7. 26-32.
García Garrido, J. L. (1999):“A Educación Primaria: unha visión comparada
desde España”. Revista Galega do Ensino, 24. 139-158.
Graña, V. (comp.) (1997): Manual lexislativo do ensino básico en Galicia. A
Coruña: Tórculo Edicións.
MEC (1989): Diseño Curricular Base. A Educación Primaria. Madrid:
Ministerio de Educación y Ciencia.
VV.AA. (2001): A Educación Primaria na Comunidade Autónoma Galega.
Santiago de Compostela: ICE/Consello Escolar de Galicia.
— 612 —