Actas da - Xunta de Galicia

ORGANIZACIÓN DA IX CONFERENCIA
INTERNACIONAL DE LINGUAS MINORITARIAS
ADirección Xeral de Política Lingüística e o Comité Organizador da VIII
Conferencia Internacional de Linguas Minoritarias estableceu durante os
últimos tres meses contactos con diferentes organismos, institucións e persoas
co obxecto de cede-las responsabilidades organizativas da vindeira edición da
Conferencia, que será a novena. Manifestáronnos inicialmente a súa vontade de
organiza-la próxima edición tres organismos distintos, que finalmente, tras
distintas conversas e intercambios de impresións, quedaron reducidos a un. Así,
pois, neste momento estamos xa en condicións de anunciarlles a todos vostedes
o lugar, data aproximada e temas fundamentais da novena edición da
Conferencia Internacional de Linguas Minoritarias.
1. LUGAR: Pajala/kiruna (rexión dentro do Estado de Suecia na que se
falan as linguas Meänkieli e Saami)
2. DATA: Entre os meses de xuño e agosto de 2003, sen que poidamos
precisar unha data fixa.
3. ORGANIZACIÓN: Departamento de Finés da Universidade de
Estocolmo (Suecia). O presidente do Comité Organizador, xa constituído
parcialmente, será o profesor Birger Winsa, quen por razóns
familiares viuse imposibilitado para estar presente aquí connosco. De
feito, ata o pasado luns, tiñamos todo preparado para que realizase a
viaxe a Galicia. Finalmente, e polas razóns citadas, non puido ser. En
calquera caso, enviounos un breve proxecto, do que presentamos neste
momento unicamente os temas centrais sobre os que versará a IX
Conferencia Internacional de Linguas Minoritarias.
4. TEMAS:
• A implementación da Carta Europeas de Linguas Rexionais e
Minoritarias con especial atención ós grupos lingüísticos
minoritarios máis reducidos
• Aplanificación lingüística nas rexións minoritarias transfronteirizas
• Experiencias de educación bilingüe e tipos de inmersión
• As minorías nas rexións de Barents e do Báltico
Temos que dicir que estamos plenamente convencidos de que a IX
Conferencia Internacional de Linguas Minoritarias será un éxito. Desexámoslle
— 659 —