Actas da - Xunta de Galicia

Xosé-Henrique Costas González
Polo tanto, a Constitución, EACL e normas citadas, xustifican
sobranceiramente a posibilidade de uso do galego parello ó castelán. O contrario
sería un duro e forte contraste de compararse cunha regulación coma a do Real
Decreto 1111/1979, do 10 de maio, que sendo previo á aprobación dos estatutos
de autonomía e adoptado nun momento de curta experiencia constitucional,
nembargantes permite a utilización potestativa de linguas non oficiais na
administración.
Nestes momentos, os galegofalantes destas zonas están como estabámo-los
galegofalantes de Galicia nos anos setenta. Correspóndelles á Administración
autonómica galega (Xunta de Galicia e DXPL, obrigados polo artigo 21.2 da
Lei de normalización lingüística) e á RAG (obrigada polo artigo 4 dos seus
estatutos), estableceren os mecanismos de colaboración coas administracións
autonómicas asturiana, castelán-leonesa e estremeña, para protexeren e
fomentaren a nosa lingua nestas terras. Correspóndenos á sociedade civil e ós
partidos políticos velarmos polo cumprimento da non discriminación lingüística
emanada de numerosas normas estatais e europeas e, asemade, acompañármo-lo
cumprimento efectivo da CELRM a partir do 1 de agosto de 2000.
¿Queren que faga algunhas propostas concretas?
1.- Establecemento de convenios de colaboración educativa con Asturias,
Castela-León e Zamora para a introducción efectiva do idioma galego no ensino
non universitario (recollido na CELRM), primaria, secundaria e ensino
profesional, tendo en conta o recente e unánime acordo do Senado español
(18/setembro/2001) para a aprendizaxe das linguas españolas como materias
optativas en tódolos centros de secundaria do Estado español.
2.- Dotación de profesorado de Lingua Galega nas escolas de formación de
profesorado de Oviedo, León e Zamora. Dotación de profesorado de Lingua
Galega nas EOI de Oviedo e Ponferrada.
3.- Organización de cursos de linguaxe administrativa para os funcionarios
dos concellos das áreas galegófonas. A CELRM introduce o bilingüismo na
documentación municipal (actas, impresos, etc.).
4.- Asesoramento lingüístico da Xunta para a fixación e legalización das
denominacións autóctonas da toponimia.
5.- Establecemento do espacio comunicacional común, co establecemento de
correspondencias da RG e TVG en Navia e Vilafranca do Bierzo, por exemplo.
6.- Aproveitando, por exemplo, que o Día das Letras 2001 está dedicado a
Sarmiento e que boa parte dos actos institucionais teñan lugar en Vilafranca do
Bierzo, implicar tamén na defensa do idioma ás autoridades castelán-leonesas.
En fin, ó abeiro da legalidade actual, son moitas as accións que se poden
acometer para non deixar morre-la nosa lingua e a nosa cultura nas terras de Eo-
Navia, Bierzo Occidental, As Portelas e Val do Ellas. Só fai falla un pouco de
— 438 —