Actas da - Xunta de Galicia

Oficialización do galego fóra das fronteiras de Galicia
Art. 2: El régimen de protección, respeto, tutela y desarrollo
establecido en esta Ley para el bable/asturiano se extenderá, mediante
regulación especial al gallego/asturiano en las zonas en las que tiene
carácter de modalidad lingüística propia.
Disposición Adicional: El gallego-asturiano tendrá un tratamiento
similar al asturiano en lo que se refiere a protección, respeto,
enseñanza, uso y tutela en su ámbito territorial.
Esta lei afecta ó uso administrativo (dereito ó uso oral e escrito coa
Administración autonómica, coñecemento por parte dos funcionarios,
valoración en oposicións e concursos), ensino (voluntario en tódolos niveis de
ensino e materia de currículo), toponimia (en asturiano ou asturiano/castelán se
hai certa tradición e en galego nas zonas onde se fala), promoción nos medios,
etc. O problema está na “regulación especial” da que se fala para o galego da
terra Eo-Navia, que non dá chegado.
O camiño do galego na Terra Eo-Navia está inzado de pexas, tanto por parte
das mentalidades españolistas coma das asturianistas, que ven na reivindicación
do galego nesta zona algo así como “imperialismo galego” confundindo os allos
cos bugallos. A pesar de iniciativas civís como a MDGA, moi pouco se ten
avanzado na introducción da lingua no ensino e na administración. De feito, nas
conversas entre os presidentes das CCAA de Asturias e Galicia nunca se tratou
o tema da colaboración en materia lingüística.
Estremadura
Estremadura non recolle no seu Estatuto de autonomía a existencia no seu seo
de comunidades falantes de portugués (Olivença) e de galego (Ellas), pero ante
a presión popular e as iniciativas dalgúns alcaldes, o 28 de outubro de 2000, o
Parlamento de Extremadura declarou o galego, chamado unicamente A Fala,
como “ben de interese cultural”, o que lle supón, á parte do recoñecemento
encuberto (con isto evítase modifica-lo EAE), subvencións a todo tipo de
iniciativas culturais relacionadas con esta particularidade lingüística.
Neste curso escolar introduciuse a fala como materia de estudio optativo e
organizáronse cursiños para funcionarios municipais, pero son moitos os
atrancos que se están pondo para o recoñecemento da toponimia bilingüe, a
introducción da lingua na ESO, etc.
Castela-León
A Comisión de Educación e Cultura do Congreso dos Deputados, por
iniciativa do deputado do BNG Francisco Rodríguez, debateu a proposta de
introducción da lingua galega no sistema escolar das zonas occidentais de León
e Zamora en sesión celebrada o 9 de abril de 1997 e aprobou por unanimidade o
seguinte texto: “El Congreso de los Diputados insta al Gobierno a que, en
— 435 —