Actas da - Xunta de Galicia

Presentación do proxecto CORGA: Corpus de Referencia do Galego Actual
2. O corpus que presentamos está dispoñible a través do noso Servidor de
Información en Internet. Nesta fase permítese facer buscas por unha ou máis
palabras, utilizando un ou varios criterios de clasificación e tamén se pode
emprega-lo asterisco (*) e a interrogación (?). Na imaxe que vén a continuación,
na parte superior dereita atopamos ‘Instruccións de busca’ onde se describen
brevemente as posibilidades que ofrece o sistema.
Ousuario, unha vez dado de alta, accede á pantalla de buscas.
Nesta pantalla dispón de varias posibilidades de busca (tódalas palabras,
calquera palabra, frase exacta, ou busca con operadores booleanos). Ademais o
tipo de busca pódemola referir a tódolos períodos do corpus ou optar por
seleccionar uns anos determinados. É posible, así mesmo, combinar coa
delimitación cronolóxica dos textos as buscas por clasificación temática e/ou
por medio.
Unha vez feita a solicitude de información, o sistema devolve dúas pantallas
de presentación de datos. Na primeira pódese ve-lo número de exemplos e de
documentos nos que se atoparon a(s) forma(s) buscada(s). Esta información
aparece clasificada, ademais, segundo os parámetros Medio, Data e Tema.
Deste xeito, na busca da forma ortográfica ‘bolboreta’ o sistema indicaranos que
aparece 45 veces no medio ‘libro’, maioritamente en documentos clasificados
como ‘ficción’ e en textos datados entre 1990 e 1999.
— 541 —