Actas da - Xunta de Galicia

As linguas minoritarias no ámbito europeo. Status do galego
informe ou resolución que o Tribunal de Xustiza ou o Tribunal de Primeira
Instancia dirixan ás partes 57 , debido a que ten carácter de texto auténtico
unicamente a redacción na versión en lingua de procedemento (Berteloot
2000:353). Trátase sempre dunha das linguas oficiais (incluído o irlandés), e a
escolla realízase en función do tipo de recurso, tendo en conta a entidade
xurídica de cada unha das partes.
Por tanto a lingua de procedemento, como a lingua de traballo, ten como
referente o grupo de linguas oficiais, pero sempre concretado no caso dunha
única lingua. O irlandés, caso á parte, queda relegado coa etiqueta máis axeitada
ó seu caso concreto: lingua dos Tratados 58 .
Neste mesmo regulamento atopamos, así mesmo, o criterio para separar
lingua de traballo e lingua oficial, xa que o Tribunal de Xustiza, xunto co
Tribunal de Primeira Instancia, adoptou como única lingua de traballo, no
ámbito interno, a lingua francesa, entre outras razóns para alixeira-la carga de
traduccións, aplicando a restricción de uso de forma clara 59 .
Polo tanto, se observamos detalladamente a situación e o status do que gozan
as linguas “maioritarias” no ámbito da Unión podemos deducir que o
multilingüismo integral do que falabamos inicialmente é moito máis difícil de
conseguir do que pode parecer nun primeiro momento. A representación de
cada unha das linguas oficiais a nivel nacional dos Estados membros quedaba
minimamente garantida no Dereito primario 60 , pero non así na maquinaria que
artella o funcionamento diario da UE. A conclusión máis obvia é que existe
unha ausencia dun réxime lingüístico homoxéneo para a Unión, que se
caracteriza pola escolla ordenada e individualizada de linguas por parte das
institucións como entes independentes.
Sen embargo, no que nos centraremos será, dentro deste marco, no lugar que
o galego, ó igual que outras linguas oficiais de Estados membros a nivel dunha
rexión, ten e o que podería ter, tomando en consideración estas limitacións para
as linguas dominantes.
4. As “outras linguas”
No marco lingüístico que vimos de ver, a adhesión dos novos países
candidatos vai traer consigo un aumento considerable das linguas oficiais que
57 Vid. art. 9, apartado I do Regulamento de procedemento do Tribunal de Xustiza.
58 O irlandés é lingua dos Tratados debido ó seu carácter especial de primeira lingua oficial na
República de Irlanda, aínda que a maior parte da poboación usa o inglés, recollido na Acta de
Adhesión do Reino Unido e lingua común, por tanto, ós dous Estados. Pero Irlanda non solicitou
o seu emprego no dereito derivado, e ata o de agora nunca foi lingua de procedemento.
59 “Informe sobre la Traducción en el Tribunal de Justicia” (vid. bibliografía).
60 Agás no caso do irlandés, xa dende o 1973.
— 427 —