Actas da - Xunta de Galicia

As linguas minoritarias no ámbito europeo. Status do galego
recoñecida polos poderes públicos como medio normal de comunicación en e
entre eles e na súa relación cos suxeitos privados, con plena validez e efectos
xurídicos (Prieto de Pedro 1991:77).
Ben é sabido que a maior parte de falantes de linguas pouco estendidas son
bilingües, e por tanto son capaces de empregar unha lingua oficial para entrar en
contacto coas autoridades e servicios públicos, pero trátase de tomar en
consideración o respecto por unha identidade e cultura diferentes. E permitir
emprega-lo galego nos medios administrativos, neste caso o galego nas
relacións Rexión–UE, cidadán de comunidade lingüística minoritaria–UE ou
institucións, é dar un paso adiante cara a este respecto (1994:6): é recoñece-lo
seu status e prestixio, é conceder un grao de oficialización e aínda máis (algo
que non se dá nas linguas maioritarias de comunidades reducidas ou coas
variedades de linguas maioritarias 72 ): é asegura-la vida destas linguas.
Recollendo a idea que mellor amosa a nosa conclusión, en palabras de De
Witte (1994:6), se o servicio se fai nunha soa lingua, tódolos usuarios son
tratados de maneira idéntica, pero iso non significa que sexan tratados de xeito
igualitario. Os falantes que usan unha lingua diferente non reciben un servicio
de igual valor para eles, e non se ten en conta que eles contribuíron a financiar
ese servicio segundo os mesmos criterios. Por iso cremos que non só é preciso
que o galego vexa recoñecido o seu status de lingua europea, senón que tamén
os cidadáns galegos poidan ver cumpridos os dereitos lingüísticos como
cidadáns europeos.
Bibliografía
Álvarez, E. / Leis, X.A. / Sánchez, D. (eds.) (1995): Actas / Acts. I Simposio
Internacional de Linguas Europeas e Lexislacións / First International
Symposium of European Languages and Legislations. (Santiago de
Compostela, 16-18 de outubro de 1992). A Coruña: Bureau Européen pour
les langues moins répandues / Asociación Socio-Pedagóxica Galega.
Berteloot, P. (2000): “Le droit à la langue de l’Union Européen”, in Langue et
Droit. XV e Congrès International de Droit Comparé / XV International
Congress of Comparative Law. (Bristol, 1998). Bruxelles: Bruylant. 345-
362.
Fernández Liesa, C. R. (1999): Derechos lingüísticos y derecho internacional.
Madrid: Dykinson.
García Ramos, D. (1990): O réxime xurídico da lingua galega. Santiago de
Compostela: Asociación de Funcionarios para a Normalización Lingüística
de Galicia / Dirección Xeral de Política Lingüística.
72 E.g. Austria solicitou na súa Acta de Adhesión unha serie de terminoloxía a respectar propia do
alemán falado dentro dos seus límites.
— 431 —